கருணாநிதியின் அரசியல் வாரிசு ஸ்டாலின் தான் - டிகேஎஸ் இளங்கோவன்

By Karthikeyan

Published: Thursday, October 20, 2016, 20:05 [IST]

Subscribe to Oneindia Tamil

சென்னை: மு.க.ஸ்டாலின் தான் கருணாநிதியின் அரசியல் வாரிசு என பலமுறை வெளியிடப்பட்ட கருத்து. அதை மீண்டும் திமுக தலைவர் கருணாநிதி உறுதிப்படுத்தியுள்ளதாக அக்கட்சியின் மாநிலங்களவை உறுப்பினர் டி.கே.எஸ். இளங்கோவன் கூறியுள்ளார்.

விகடன் வார இதழுக்கு கருணாநிதி அளித்துள்ள பேட்டியில், தி.மு.க-வின் வருங்காலத் தலைவர் என்ற நிலைக்கு தன்னைத்தானே படிப்படியாக உயர்த்திக்கொண்டவர் ஸ்டாலின். அந்த வகையில், அவர்தான் இன்றைக்கு என்னுடைய அரசியல் வாரிசாகவும் திகழ்கிறார் என்று கருணாநிதி கூறியுள்ளார்.

TKS Elangovan says on Karunanidhi's announcement

இந்த நிலையில் இதுகுறித்து கருத்து தெரிவித்துள்ள திமுக மாநிலங்களவை உறுப்பினர் டி.கே.எஸ். இளங்கோவன், ''ஸ்டாலினை யாரும் கட்சிக்குள் திணிக்கவில்லை. அவராக உழைத்து இந்த இடத்திற்கு வந்துள்ளார். உழைக்கக்கூடியவர்தான் கட்சிக்கு வேண்டும் என்ற முடிவில் எங்களது தலைவர் இந்த முடிவை எடுத்துள்ளார்'' என்று தெரிவித்துள்ளார். மேலும், மு.க.ஸ்டாலின் தான் கருணாநிதியின் அரசியல் வாரிசு என பலமுறை வெளியிடப்பட்ட கருத்து. அதை மீண்டும் திமுக தலைவர் கருணாநிதி தற்போது உறுதிப்படுத்தியுள்ளதாக அவர் கூறியுள்ளார்.

Published On October 20, 2016