சென்னைக்கு மட்டும் 8 மாவட்ட தலைவர்கள்… அடடே தமாகா (தொண்டர்கள் எத்தனை பேருனு கேக்காதீங்க!)
சென்னை: தமிழ் மாநில காங்கிரஸ் கட்சியின் கொள்கை பரப்பு செயலாளர்களாக 7 பேர் நியமிக்கப்பட்டுள்ளனர். சென்னைக்கு மட்டும் 8 பேரை மாவட்ட தலைவர்களாக நியமித்து யாரும் மனசு புண்படாதவாறு அறிவிப்பு வெளியிட்டுள்ளார் அக்கட்சியின் தலைவர் ஜி.கே.வாசன்
காங்கிரஸ் கட்சியில் இருந்து வாசன் தலைமையிலான அணி பிரிந்த பின்னர் தமாகாவிற்கு உறுப்பினர்கள் சேர்க்கும் பணி தொடங்கப்பட்டது. நிர்வாகிகள் நியமிக்கப்பட்டு வருகின்றனர். இந்த நிலையில் சென்னையை 8 மாவட்டங்களாக பிரித்து மாவட்ட தலைவர்கள் நியமிக்கப்பட்டுள்ளனர். மேலும் மாநில நிர்வாகிகள் என மொத்தம் 37 பேர் கொண்ட பட்டியலை கட்சி தலைவர் ஜி.கே.வாசன் நேற்று முன்தினம் வெளியிட்டார்
சென்னை மாவட்ட தலைவர்கள்
மத்திய சென்னை கிழக்கு மாவட்ட த.மா.கா. தலைவராக சவுந்தர் முருகன் நியமிக்கப்பட்டுள்ளார். மத்திய சென்னை மேற்கு மாவட்ட தலைவராக ஜி.ஆர். கதிரவன், வடசென்னை தெற்கு மாவட்ட தலைவராக சி.ராஜ்குமார் வடசென்னை கிழக்கு, மாவட்ட தலைவராக பிஜூ சாக்கோ ஆகியோர் நியமிக்கப்பட்டுள்ளார்.
வடசென்னை -தென் சென்னை
வடசென்னை மேற்கு மாவட்ட தலைவராக அருண்குமார், தென் சென்னை வடக்கு மாவட்ட தலைவராக இல.பாஸ்கர், தென்சென்னை கிழக்கு மாவட்ட தலைவராக கொட்டிவாக்கம் முருகன், தென்சென்னை மேற்கு மாவட்ட தலைவராக இ.சி.சேகர் ஆகியோர் நியமிக்கப்பட்டிருக்கிறார்கள். இவர்கள் ஜி.கே.வாசனை சந்தித்து வாழ்த்து பெற்றனர்.
மாநில செயலாளர்கள்
த.மா.கா. மாநில செயலாளர்களாக வில்லிவாக்கம் சுரேஷ், ஜி.பி.நம்பி, ஜவகர் பாபு, லீக்மோகன், மகாத்மா சீனிவாசன், அண்ணாநகர் ராம்குமார், சென்னை நந்து, சுரேஷ் பாபு, மயிலை சத்யா, சைதை நாகராஜ், வில்லிவாக்கம் ரவிசந்திரன், தவுலத்கான், அனுராதா அபி, முட்டுக்காடு கிருஷ்ணன்.
இணைச்செயலாளர்கள்
இணை செயலாளர்கள் கல்யாணி, ஏ.டி.சத்யா, மால் மருகன், ஐ.டி.அரசன், பாடி சுந்தரம், ஏ.எஸ்.ஜார்ஜ், கோதண்டம் ஆகியோர் நியமிக்கப்பட்டிருக்கிறார்கள்.
கொள்ளை பரப்பு செயலாளர்கள்
பிரகாசம், எல்.கே.வெங்கட், சத்திய நாராயணா, கே.டி.எஸ்.ராஜா, முகமது பயாஸ், உன்னி கிருஷ்ணன், மனோகரன்ஆகியோர் நியமிக்கப்பட்டுள்ளனர். கன்னியாகுமரி மேற்கு மாவட்ட தலைவராக ஜான் ஜேக்கப் எம்.எல்.ஏ. நியமனம் செய்யப்பட்டுள்ளார்.
கட்சியில் இருக்கும் அனைவருக்கும் பதவி கொடுத்து விட்டாரோ ஜி.கே.வாசன்?
Click it and Unblock the Notifications
Sign in with Google