2016 சட்டமன்றத் தேர்தலுக்கு தயாராகும் த.மா.கா! உறுப்பினர்கள் சேர்ப்பு தீவிரம்!!

சென்னை: 2016 சட்டசபை தேர்தலையொட்டி தமிழ் மாநில காங்கிரஸ் கட்சிக்கு உறுப்பினரை சேர்க்கும் முயற்சியில் வாசன் தீவிரமாக ஈடுபட்டு வருகின்றனர்.

சென்னையில் நடைபெற்ற உறுப்பினர் சேர்ப்பு முகாமில் தமிழ் மாநில காங்கிரஸ் கட்சி தலைவர் வாசன், மூத்த தலைவர்கள் ஞானதேசிகன், பீட்டர் அல்போன்ஸ் உள்ளிட்டோர் கலந்து கொண்டனர்.

கூட்டத்தில் பங்கேற்றவர்கள் உறுப்பினர்களாக சேருவதற்கு உரிய பணத்தை கொடுத்து போட்டோக்களுக்கு போஸ் கொடுத்துக் கொண்டனர்.

இந்த நிகழ்ச்சியில் நூற்றுக்கணக்கானோர் கலந்து கொண்டனர். அவர்களுக்கு இருக்கை வசதிகள் ஏற்படுத்திக் கொடுக்கப்பட்டிருந்தது.

உறுப்பினர் அடையாள அட்டையில் காமராஜர், மூப்பனார், வாசன் படங்கள் உள்ளது. இவற்றுக்கு நடுவே உறுப்பினரின் படம் வைத்து அளிக்கப்படும். வாசன் தனது அடையாள அட்டை மாதிரியை தொண்டர்களிடம் காண்பித்தார்.

மாவட்டவாரியாக உறுப்பினர்கள் சேர்க்கப்பட்டனர். உறுப்பினர்கள் தரும் பணத்தை பெறுவதற்காக சூட்கேசுகளை நிர்வாகிகள் கொண்டு வந்திருந்தனர்.

கியூவில் நின்றபடி தொண்டர்கள் தங்களது அடையாள அட்டைகளை பெற்றுச்சென்றனர்.

English summary

TMC party initiate aggressive membership drive in Tamilnadu as it is prepare for the 2016 assembly election.