தேமுதிகவிற்கு மக்கள் ஆதரவு 6% மட்டுமே.. விஜயகாந்த் துப்பியதால் பாதிப்பில்லையாம்
சென்னை: சட்டசபை தேர்தலில் தே.மு.தி.க.வுக்கு வாக்களிப்போம் என்று வெறும் 6 சதவீதம் பேர் மட்டுமே கருத்து தெரிவித்துள்ளனர்.பொது இடங்களில் விஜயகாந்த் செயல்படும் விதங்களால் தே.மு.தி.க. வெற்றி பாதிக்கப்படாது என்று லயோலா கல்லூரியின் மக்கள் ஆய்வகம் நடத்திய கருத்துக்கணிப்பில் தெரியவந்துள்ளது.
லயோலா கல்லூரியின் முன்னாள் பேராசிரியர் ராஜநாயகம் தலைமையில் மக்கள் ஆய்வகம், 39 நாடாளுமன்றத் தொகுதிகள் மற்றும் 120 சட்டப்பேரவை தொகுதிகளில் உள்ள 5,464 பேரிடம் இந்த கருத்துக்கணிப்பு நடத்தப்பட்டு உள்ளது
தற்போதைய அரசியல் சூழ்நிலையில், இன்று வாக்களிப்பதாக இருந்தால் எந்த கட்சிக்கு வாக்களிப்பீர்கள் என்று மக்களிடம் கேள்வி கேட்கப்பட்டது. அந்த கேள்விக்கு பதிலளித்த மக்களில் தே.மு.தி.க.வுக்கு வாக்களிப்போம் என்று 6 சதவீதம் பேர் கருத்து தெரிவித்துள்ளனர்.
பொது இடங்களில் விஜயகாந்த் செயல்படும் விதங்களால் தே.மு.தி.க. வெற்றி பாதிக்கப்படுமா என்ற கேள்விக்கு, இது ஒரு பிரச்சினையே அல்ல என்று 56.4 சதவீதம் பேர் கூறியுள்ளனர். ஆனால் தே.மு.தி.க. வெற்றி வாய்ப்பு பாதிக்கும் என்று 20.7 சதவீதம் பேர் கூறியுள்ளனர்.
சட்டசபை தேர்தலில் ஆளும் அதிமுகவை வீழ்த்த எதிர்கட்சியினர் வியூகம் வகுத்து வருகின்றனர். தேமுதிக தங்கள் கூட்டணிக்கு வரவேண்டும் என்று திமுக, காங்கிரஸ், மக்கள் நலக்கூட்டணியினர் விருப்பம் தெரிவித்துள்ளனர். பாஜகவும் விஜயகாந்தை இழுக்க முயற்சி செய்து வருகிறது. இந்த நிலையில் தற்போது நடத்தியுள்ள கருத்துக்கணிப்பில் விஜயகாந்திற்கு வெறும் 6% ஆதரவு மட்டுமே உள்ளது தெரியவந்துள்ளது.
கருத்துக்கணிப்பு வெளியிட்ட பின்னர் செய்தியாளர்களிடம் பேசிய ராஜநாயகம், இப்போதைய சூழ்நிலையில் உள்ள பிரச்சினைகளின் அடிப்படையில் மக்கள் மனநிலை எந்தக் கட்சிக்கு ஆதரவாக இருக்கிறது என்பதை 39 நாடாளுமன்ற தொகுதிகளிலும் நேரில் சென்று மக்கள் கருத்தை அறிந்து கணக்கிட்டுள்ளோம்.
இன்னும் கூட்டணிகள் உறுதியாகவில்லை. கூட்டணிகள் உறுதியாகி தேர்தல் பிரசாரம் தொடங்கிய பிறகு மீண்டும் கருத்து கணிப்பு நடத்துவோம். அப்போது எந்த கட்சி ஆட்சிக்கு வரும், யார் முதல்வராக வர வாய்ப்பு இருக்கிறது, யார் முதல்வராக வர மக்களின் ஆதரவு இருக்கிறது, முதல் முறையாக வாக்களிக்கப் போகும் இளைய தலைமுறையின் வாக்கு யாருக்கு? என்பது பற்றியெல்லாம் கருத்து கணிப்பு நடத்துவோம் என்று கூறியுள்ளார்.
Click it and Unblock the Notifications
Sign in with Google