மே 25ல் தமிழக சட்டசபையின் முதல் கூட்டம்: ஜூன் 3 ஆம் தேதி சபாநாயகர் தேர்தல்

சென்னை: தமிழக சட்டசபையின் முதல் கூட்டத் தொடர் மே 25 ஆம் தேதி காலை 11 மணிக்கு கூடுகிறது என அறிவிக்கப்பட்டுள்ளது. அதேசமயம் வரும் ஜூன் 3 ஆம் தேதி சபாநாயகர் மற்றும் துணை சபாநாயகர் தேர்தல் நடைபெறுகிறது.

தமிழக முதல்வராக 6-வது முறையாக அதிமுக பொதுச் செயலர் ஜெயலலிதா இன்று பதவியேற்றார். அவருக்கு பதவிப் பிரமாணமும், ரகசிய காப்பு உறுதிமொழியையும் ஆளுநர் ரோசய்யா செய்து வைத்தார். ஜெயலலிதாவைத் தொடர்ந்து அமைச்சர்கள் பதவிப் பிரமாணம் எடுத்துக் கொண்டனர்.

இந்நிலையில் தமிழக சட்டசபையின் முதல் கூட்டத் தொடர் மே 25 ஆம் தேதி காலை 11 மணிக்கு கூடுகிறது என அறிவிக்கப்பட்டுள்ளது. அன்றைய தினமே புதிதாக தேர்ந்தெடுக்கப்பட்ட உறுப்பினர்களின் பதவியேற்பு நிகழ்ச்சி நடை பெறவுள்ளது. புதிய எம்.எல்.ஏ.,க்களுக்கு தற்காலிக சபாநாயகர் செம்மலை பதவி பிரமாணம் செய்து வைக்க உள்ளார்.

முதல் கூட்டத்தில் சட்டப்பேரவைத் தலைவர் மற்றும் துணைத் தலைவர் தேர்ந்தேடுக்கபடுவார்கள் என தகவல் தெரிவிக்கப்பட்டுள்ளது. இதேபோல் ஜூன் 3 ஆம் தேதி காலை 10 மணிக்கு சபாநாயகர் மற்றும் துணை சபாநாயகர் தேர்தல் நடைபெறும் என்றும் அறிவிக்கப்பட்டுள்ளது.

English summary

tamilnadu assembly first session will be convened on may 25th