தன்னை மறந்து சுறுசுறுப்பான ஆட்டம்.. பேட்மிட்டன் விளையாடிய முதல்வர் பழனிச்சாமி.. வைரல் வீடியோ

சேலத்தில் தமிழக முதல்வர் எடப்பாடி பழனிச்சாமி பேட்மிட்டன் விளையாடிய வீடியோ வைரல் ஆகியுள்ளது.

சேலம்: சேலத்தில் தமிழக முதல்வர் எடப்பாடி பழனிச்சாமி பேட்மிட்டன் விளையாடிய வீடியோ வைரல் ஆகியுள்ளது.

சேலம் சென்று இருந்த தமிழக முதல்வர் எடப்பாடி பழனிச்சாமி, பசுமைவெளிப் பூங்கா திறப்பு விழா நிகழ்ச்சியில் கலந்து கொண்டார். பசுமைவெளிப் பூங்கா திறந்து வைத்து பூங்காவை சுற்றிப்பார்த்தார்.

சேலம் மக்கள் பயன்படுத்தும் வகையில் இந்த பூங்கா உருவாக்கப்பட்டுள்ளது. உள்ளே உடற்பயிற்சி செய்யவும், நடைப்பயிற்சி செய்யவும், படிக்கவும், ஓய்வு எடுக்கவும் வசதி செய்து கொடுக்கப்பட்டுள்ளது. அதேபோல் ஆண்கள், பெண்கள், குழந்தைகள் விளையாடவும் பெரிய அளவில் ஏற்பாடுகள் செய்து கொடுக்கப்பட்டுள்ளது.

இந்த நிலையில் பூங்காவை திறந்த தமிழக முதல்வர், அங்கிருந்த பேட்மிட்டன் அரங்கில் இறங்கி விளையாடினார். சேலம் மத்திய கூட்டுறவு வங்கிகளின் தலைவர் இளங்கோவன் அவருடன் சேர்ந்து விளையாடினார்.

இருவரும் இறுதி வரை உற்சாகமாக விளையாடினார்கள். சில நிமிடத்தில் தன்னை மறந்து முதல்வர் வேகமாக விளையாட தொடக்கினார். இந்த பக்கமும், அந்த பக்கமும் வேகமாக சென்று சுறுசுறுப்பாக முதல்வர் விளையாடியது அனைவருக்கும் ஆச்சர்யத்தை உண்டாக்கியது.

அங்கு சுற்றி இருந்த மக்கள், கத்தி கூச்சலிட்டு ஆரவாரம் செய்தனர். இது தற்போது வீடியோவாக வெளியாகி உள்ளது. காலையில்இருந்து இணையம் முழுக்க இந்த வீடியோ வைரல் ஆகி உள்ளது.

English summary

TN CM plays Badminton in Salem Park