'500 சி, 10 அமைச்சர் பதவி டீலுக்கு ஓகேவாமே!' - பரபரக்கும் கூட்டணி யாவாரம்!!

இந்தப் பக்கம் வருவாரா... அந்தப் பக்கம் சாய்வாரா... தனியாக நிற்பாரா என்ற எந்தக் கேள்விகளுக்கும் பிடிகொடுத்து நிற்காத அந்தக் கட்சித் தலைவருடன் தமிழகத்தின் முக்கிய கட்சி ஒன்று தீவிர கூட்டணி பேரம் நடத்தி வருகிறது.

அடுத்த 5 ஆண்டுகள் பதவியில் இல்லாவிட்டால் தமது எதிர்காலம் கேள்விக்குறியாகிவிடும் என்பதால், எந்த அளவுக்கும் இறங்கி வந்து பேரம் பேசத் தயாராக உள்ளதாம் இந்த முக்கிய கட்சி.

இதை நன்றாகப் புரிந்து கொண்ட அந்த தலைவரும் கடைசி நிமிடம் வரை அனைவரையும் தொங்கலில் விட்டு, கூட்டணி பேரத்தில் தனது கை ஓங்கிய நிலையிலேயே வைக்கத் திட்டமிட்டிருந்தாராம்.

அவரது ஐடியாவுக்கு நல்ல பலன் கிடைத்திருக்கிறது.

இப்போது கூட்டணி யாவாரம் ஒரு முக்கிய கட்டத்தை எட்டியுள்ளதாம். 500 சி, ஒரு து முதல்வர், கூடவே 9 அமைச்சர் பதவிகள். இதுதான் டீல். முக்கிய கட்சியோ 'பணம் ஒரு பொருட்டல்ல... அமைச்சர் பதவிகள் கூட ஓகே. ஆனால் து முதல்வர் பதவி மட்டும் தர முடியாது. வேண்டுமென்றால் ராஜ்யசபா எம்பி சீட் ஒன்றை விட்டுத் தருகிறோம். உங்கள் உறவினருக்கு உதவும்,' என்று கூறியதை உதறித் தள்ள மனசு இல்லையாம். முக்கியமாக அந்தக் கட்சியின் நிழல் தலைவருக்கு.

இந்த இரு கட்சிகளைத் தவிர்த்து, தமிழகத்தில் உள்ள மற்ற அனைத்து அரசியல் கட்சிகள் அலுவலகங்களையும் சுற்றிச் சுழன்றுவரும் பரபரப்பு தகவல் இதுதான்.

பணம் கொழிக்கும் பிஸினஸ். பாவம் மக்கள்!

English summary

According to sources, the two key parties of Tamil Nadu are settle down with an agreement for alliance with Rs 500 c deal.