தமிழக அரசின் சித்திரை புத்தாண்டு விருதுகள் அறிவிப்பு.. அக்னிபுத்திரனுக்கு கபிலன் விருது

ஆண்டு தோறும் வழங்கப்படும் தமிழக அரசின் சித்திரை புத்தாண்டு விருதுகளை தமிழக அரசு அறிவித்துள்ளது.

Published: Monday, April 24, 2017, 13:47 [IST]

Subscribe to Oneindia Tamil

சென்னை: இந்த ஆண்டிற்கான தமிழ் புத்தாண்டு விருதுகள் பெறுபவர்கள் விவரங்களை தமிழக அரசு அறிவித்துள்ளது.

அதன்படி முனைவர் அக்னிபுத்திரனுக்கு கபிலன் விருதும், வேங்கடகிருஷ்ணனுக்கு உ.வே.சா விருதும், இலங்கை ஜெயராஜுக்கு கம்பர் விருதும் அறிவிக்கப்பட்டுள்ளது.

பி. மணிகண்டனுக்கு சொல்லின் செல்வர் விருதும் வைதேகி ஹெர்பர்ட்டுக்கு ஜி.யு.போப் விருதும், அப்துல் காதருக்கு உமறுப்புலவர் விருதும் அறிவிக்கப்பட்டுள்ளது.

நஞ்சுண்டனுக்கு இளங்கோவடிகள் விருதும், ஷம்சாதனகோபாலுக்கு அம்மா இலக்கிய விருதும், செல்வமணிக்கு முதல்வர் கணினித் தமிழ் விருதும் வழங்கப்பட உள்ளன.

இந்த விருது ஒரு லட்சம் ரூபாய் ரொக்கப் பரிசும், ஒரு சவரன் தங்கப் பதக்கமும் கொண்டதாகும்.