விடிவு வருமா? சென்னையில் மார்ச் 24ல் தமிழக- இலங்கை மீனவர்கள் பேச்சுவார்த்தை!

சென்னை: தமிழக - இலங்கை மீனவர்களுக்கு இடையேயான பேச்சுவார்த்தை வரும் 24-ந் தேதி சென்னையில் நடைபெறும் என அறிவிக்கப்பட்டுள்ளது.

தமிழக அரசின் கோரிக்கையை ஏற்று இருதரப்பு மீனவர்களின் பேச்சுவார்த்தையை நடத்த மத்திய அரசும், இலங்கை அரசும் சம்மதம் தெரிவித்துள்ளன. இதன்படி வரும் 24-ந் தேதி சென்னையில் நடைபெறும் பேச்சுவார்த்தையில், இலங்கையில் இருந்து 15 மீனவ பி‌ரதிநிதிகள் பங்கேற்க இருப்பதாகத் தெரிவிக்கப்பட்டுள்ளது.

தமிழகத்தின் சார்பில் மீனவர்கள் 13 பேரும், அதிகாரிகள் 4 பேரும் புதுச்சேரியில் இருந்து அதிகாரிகள் உட்பட 8 பேரும் பேச்சுவார்த்தையில் பங்கேற்கின்றனர்.

முன்னதாக கடந்த 11-ந் தேதி பேச்சுவார்த்தை நடத்த இலங்கை அரசு முன்வந்தது. ஆனால், போதிய கால அவகாசம் இல்லாததால் அத் தேதியில் பேச்சுவார்த்தை நடத்த இயலாது என தமிழக அரசு சார்பில் தெரிவிக்கப்பட்டிருந்தது.

English summary

The Sri Lankan Government has agreed to talks between Tamilnadu and Sri Lankan fishermen on March 24 in Chennai.