கனமழை காரணமாக இன்று 11 ரயில்கள் ரத்து: தெற்கு ரயில்வே அறிவிப்பு !

சென்னை: தொடர்ந்து பெய்து வரும் கனமழை காரணமாக இன்று 11 ரயில்கள் ரத்து செய்யப்பட்டுள்ளதாக தெற்கு ரயில்வே அறிவித்துள்ளது.

விழுப்புரம் - தாம்பரம் ரயில் பாதைகளில் மழை நீர் சூழ்ந்துள்ளதால் வைகை,பல்லவன் உள்ளிட்ட ரயில்கள் ரத்து செய்யப்பட்டுள்ளன. மேலும் ரயில்கள் ரத்து செய்யப்பட வாய்ப்புள்ளது. ரயில்கள் ரத்து குறித்து பயணிகளுக்கு உடனுக்குடன் தகவல் தெரிவிக்கப்பட்டு வருகிறது. ரத்து செய்யப்பட்டுள்ள ரயில்களின் டிக்கெட் விலை 3 நாட்களுக்குள் பயணிகளுக்கு திருப்பி வழங்கப்படும் என தெற்கு ரயில்வே நிர்வாகம் தெரிவித்துள்ளது.

இதுகுறித்து, தெற்கு ரயில்வே வெளியிட்டுள்ள செய்திக் குறிப்பு:

ரத்து செய்யப்பட்டுள்ள ரயில்கள் விவரம்:

புதுச்சேரி - எழும்பூர் விரைவு ரயில்

காரைக்குடி - சென்னை எழும்பூர் விரைவு ரயில் பல்லவன்

மதுரை - சென்னை வைகை விரைவு ரயில்

சென்னை எழும்பூர் - திருச்சி சோழன்

சென்னை எழும்பூர் - புதுச்சேரி பாஸ்ட் பாசஞ்ஜர்

இதேபோல், புவனேஸ்வர் - புதுச்சேரி விரைவு ரயில் இன்று பெரம்பூர், காட்பாடி, விழுப்புரம் வழியாக இயக்கப்படும். மேலும், சென்னை எழும்பூர்-குருவாயூர் விரைவு ரயில் நாளை காலை 7.40 மணிக்குப் பதிலாக காலை 11 மணிக்கு புறப்படும்.

சென்னை சென்ட்ரலில் இருந்து இன்று புறப்பட வேண்டிய விஜயவாடா ஜன் சதாப்தி, நியூ ஜல்பைகுரி, அகமதாபாத் நவஜீவன், ஹவுரா கோரமண்டல், அந்தமான், புதுச்சேரி-புதுடெல்லி ஆகிய 6 ரயில்களும் ரத்து செய்யப்பட்டுள்ளன.

புவனேஸ்வர் - புதுச்சேரி விரைவு ரயில் பெரம்பூர், காட்பாடி, விழுப்புரம் வழியாக இயக்கப்படும். சென்னை எழும்பூரில் இருந்து குருவாயூர் செல்லும் விரைவு ரயில் இன்று காலை 7.40 மணிக்கு பதிலாக 11 மணிக்கு புறப்படும்.

English summary

11 trins are cancelled today for heavy rain