சென்னையில் இருந்து இன்று புறப்படும் தமிழ்நாடு, காவேரி, சார்மினார் உட்பட மேலும் 20 ரயில்கள் ரத்து!!

சென்னை: சென்னை சென்ட்ரலில் இருந்து இன்று புறப்பட வேண்டிய டெல்லி செல்லும் தமிழ்நாடு எக்ஸ்பிரஸ், ஹைதராபாத் செல்லும் சார்மினார் எக்ஸ்பிரஸ் உட்பட 15 ரயில்களும் எழும்பூரில் இருந்து புறப்பட வேண்டிய 5 ரயில்களும் ரத்து செய்யப்பட்டுள்ளன.

கனமழை வெள்ளத்தால் கடந்த 2 நாட்களாக சென்னை, மாநிலத்தின் பிற பகுதிகளில் இருந்து சாலை மற்றும் ரயில் போக்குவரத்து இல்லாமல் துண்டிக்கப்பட்டுள்ளது. விமான சேவையும் டிசம்பர் 6-ந் தேதி வரை ரத்து செய்யப்பட்டுள்ளன.

சென்னையில் இருந்து தென்மாவட்டங்களுக்கு புறப்படும் அனைத்து ரயில்களும் தென்மாவட்டங்களில் இருந்து சென்னைக்கு வரும் அனைத்து ரயில்களுமாக மொத்தம் 47 ரயில்கள் இன்று ரத்து செய்யப்படுவதாக தெற்கு ரயில்வே நேற்று அறிவித்திருந்தது.

இந்த நிலையில் சென்னை எழும்பூரில் இருந்து கச்சிகுடா, காக்கிநாடா, திப்ரூகர் உட்பட 5 ரயில்கள் ரத்து செய்யப்படுவதாகவும்

சென்னை சென்ட்ரலில் இருந்து பழனி, அரக்கோணம், திருப்பதி, ஷாலிமர், மைசூர் காவேரி, மங்களூர், சார்மினார், டெல்லி ஜி.டி. டெல்லி தமிழ்நாடு, ஆழப்புழா எக்ஸ்பிரஸ் ரயில்கள் என மொத்தம் 15 ரயில்களும் ரத்து செய்யப்பட்டுள்ளன.

கனமழை வெள்ளத்தால் ஒட்டுமொத்தமாக அனைத்து பகுதிகளிலிருந்தும் ரயில் சேவை மூலமான இணைப்பை சென்னை இழந்துள்ளது.

English summary

20 More Trains cancelled from Chennai Egmore and Central.