மீண்டும்.. சென்னை மெரினா சர்வீஸ் சாலையில் போக்குவரத்துக்கு தடை!

சென்னை மெரினா சர்வீஸ் சாலையில் போக்குவரத்துக்கு தடை செய்யப்பட்டுள்ளது.

சென்னை: சென்னை மெரினாவில் உள்ள ஜெயலலிதா நினைவிடத்தில் நேற்று போராட்டத்தில் ஈடுபட்ட மாணவர்கள் அப்புறப்படுத்த நிலையில் மாணவர்கள் கூடுவதை தடுக்க மெரினா சர்வீஸ் சாலையில் போக்குவரத்து தடை செய்யப்பட்டுள்ளது.

அனிதாவின் மரணத்துக்கு நீதி கேட்டும், நீட் தேர்வை ரத்து செய்ய கோரியும் தமிழகம் முழுவதும் கடந்த 6 நாள்களாக போராட்டங்கள் வலுத்து வருகின்றன. இதனால் ஆங்காங்கே போக்குவரத்து பாதிக்கப்பட்டது.

இந்நிலையில் மெரினாவில் உள்ள ஜெயலலிதா சமாதியில் அமர்ந்து நேற்று மாணவர்கள் போராட்டம் நடத்தினர். தகவலறிந்த போலீஸார் சம்பவ இடத்துக்கு வந்து மாணவர்களை அப்புறப்படுத்தினர்.

இதைத் தொடர்ந்து மாணவர்கள் மீண்டும் கூடாமல் இருக்க மெரினா சர்வீஸ் சாலையில் போக்குவரத்து தடை செய்யப்பட்டது. போலீஸார் தொடர்ந்து கண்காணிப்பு பணியில் ஈடுபட்டு வருகின்றனர்.

English summary

Transportation is not allowed in Marina Service Road. Since the students yesterday staged protest in Jayalalitha's memorial place. To stop this, police force tightened.