மனைவிக்காக பிறந்தநாள் கொண்டாட்டத்தை ரத்து செய்த திமுக எம்.பி. திருச்சி சிவா
திமுக எம்.பி.யாகவும், திருச்சியில் முக்கிய தலைவர்களில் ஒருவராகவும் இருப்பவர் திருச்சி சிவா. பேச்சாற்றல் மிக்கவர். இதனால் திமுக தலைவர் கருணாநிதியின் நம்பிக்கைக்கு மிகவும் பாத்திரமானவராக உள்ளார்.
இந்த நிலையில் கடந்த ஜூன் 6ம் தேதி திருச்சி சிவாக்கு பிறந்த நாள். அன்று அவரது பிறந்த நாளை மிகவும் கோலாகலமாக கொண்டாட அவரது ஆதரவாளர்கள் திட்டமிட்டு திருச்சியில் உள்ள ஒரு முக்கிய இடத்தில் பிரமாண்ட கேக் வெட்டி, பல லட்ச ரூபாய் செலவில் பல்வேறு நலத்திட்ட உதவி வழங்க தயாராகிக் கொண்டு இருந்தனர்.
இந்த தகவல் அறிந்த திருச்சி சிவா, எனது மனைவி உடல்நலம் பாதிக்கப்பட்டுள்ளார். மேலும், நடைபெற்று முடிந்த நாடாளுமன்ற தேர்தலில் திமுக பெரும் தோல்வியை சந்தித்துள்ளது. இந்த நிலையில் எனது பிறந்தநாளை நீங்கள் மிகவும் ஆடம்பரமாக கொண்டாடினால் அது எனக்கு மிகவும் கெட்ட பெயரை சம்பாதித்து கொடுத்துவிடும் என கூறி விழாவை கொண்டாடவிடாமல் தடுத்துவிட்டாராம்.
Click it and Unblock the Notifications
Sign in with Google