எச். ராஜா தனது போக்கை இத்தோடு மாற்றிக்கொள்ளவேண்டும்.. டிடிவி தினகரன் கண்டனம்

பெரியார் சிலையை அகற்றுவேன் என்று எச்.ராஜா கூறியதற்கு டிடிவி தினகரன் கண்டனம் தெரிவித்து இருக்கிறார்.

சென்னை: பெரியார் சிலையை அகற்றுவேன் என்று எச்.ராஜா கூறியதற்கு டிடிவி தினகரன் கண்டனம் தெரிவித்து இருக்கிறார்.

பாஜக கட்சி வெற்றிபெற்ற பின் திரிபுராவில் லெனின் சிலை அகற்றப்பட்ட்டு இருக்கிறது. இது இந்தியா முழுக்க சர்ச்சையை உருவாக்கி இருக்கிறது.

இந்த சர்ச்சை அடங்கும் முன் லெனின் சிலை போல நாளை தமிழகத்தில் பெரியார் சிலை உடைக்கப்படும் என்று பாஜக தேசிய செயலாளர் எச். ராஜா பேஸ்புக்கில் பதிவிட்டு இருக்கிறார். அவர் பதிவிட்ட கருத்து கடுமையான எதிர்ப்புகளை ஏற்படுத்தியது.

பல அரசியல் தலைவர்கள் இவரின் கருத்துக்கு எதிர்ப்பு தெரிவித்து இருக்கிறார்கள். எச்.ராஜா குறித்து தற்போது டிடிவி தினகரன் கண்டனம் தெரிவித்து இருக்கிறார்.

அதில் ''சிலையாக மட்டுமில்லாமல், தமிழக மக்களின் சிந்தையிலும் என்றென்றும் நிலைத்திருக்கும் சமூக நீதியின் தலைமகன், பகுத்தறிவு பகலவன், தந்தை பெரியார் சிலை தமிழகத்தில் இடிக்கப்படும் என ஆணவத்தோடு கருத்து தெரிவித்துள்ள எச். ராஜாவுக்கு எனது கடும் கண்டனத்தை தெரிவித்துக்கொள்கிறேன்.'' என்றுள்ளார்

மேலும் ''பொறுப்பற்ற வகையிலும், முதிர்ச்சியற்ற தன்மையோடும் கருத்து சொல்லும் எச். ராஜா தனது போக்கை இத்தோடு மாற்றிக்கொள்ளவேண்டும். மக்களின் உணர்வுகளை காயப்படுத்தி, வன்முறையை தூண்டும் வகையில், இனி யார் கருத்து சொன்னாலும் அவர்களை சட்ட ரீதியான நடவடிக்கைக்கு உள்ளாக்க வேண்டும்.'' என்றுள்ளார்.

English summary

TTV Dhinakaran condemns H Raja comment on Periyar statue issue. H Raja said that, Periyar statue will be removed in Tamilnadu after BJP came into power.