உங்களுக்கு பணம் தந்தேனா.. டிவி சேனல் முன்னிலையில் வாக்காளர்களிடமே கேட்ட தினகரன்.. வந்த பதில் இதுதான்

By Veera Kumar

Published: Wednesday, December 20, 2017, 17:42 [IST]

Subscribe to Oneindia Tamil

Recommended Video

சசிகலா அனுமதி இல்லாமல் வீடியோ வெளியீடு...

சென்னை: நான் உங்களுக்கு பணம் கொடுத்தேனா, என மக்களை பார்த்து டிடிவி தினகரன் கேட்க, அதற்கு அவர்கள் இல்லை என பதில் அளிக்க ஆர்.கே.நகரே அள்ளு தெறித்த காட்சி ஒன்று வைரலாகியுள்ளது.

டிடிவி தினகரன் தரப்பில் ஆர்.கே.நகர் வாக்காளர்களுக்கு பணம் கொடுக்கப்பட்டதாக வெளியான தகவல்கள் மத்தியில், ஆளும் அதிமுகவும் வாக்காளர்களுக்கு பணம் கொடுப்பதாக பதிலுக்கு குற்றச்சாட்டு எழுந்தது.

இதுகுறித்து ஆங்கில செய்தி சேனல் ஒன்று ஆர்.கே.நகரில் சில தினங்கள் முன்பு பிரசாரத்தில் ஈடுபட்டிருந்த தினகரனிடம் கேள்வி எழுப்பியது.

அதே இடத்தில் கேள்வி

பிரசார வாகனத்தில் வைத்து தினகரனிடம் பெண் பத்திரிகையாளர் இந்த கேள்வியை எழுப்ப, அசராத தினகரன், மக்களிடமே உங்கள் முன்னிலையில் கேட்கிறேன் என கூறி, எந்த வித முன் ஒத்திகையும் இன்றி திடீரென உங்களுக்கு நான் பணம் கொடுத்தேனா என கேட்க மக்களோ இல்லை என கத்தி கோஷமிட்டனர். ஓபிஎஸ்-ஈபிஎஸ் அணிதான் பணம் தந்ததாகவும், தேர்தல் ஆணையத்திடம் புகார் கொடுத்தும் நடவடிக்கை இல்லை என்றும் தினகரன் குற்றம்சாட்டுவதை போல வீடியோ நிறைவு பெறுகிறது.

செம ரீச் 😊 pic.twitter.com/MhJYgOJp5I
— அமாவாசை @ நாகராஜ சோழன் (@kasaayam) December 19, 2017

வைரலாகும் வீடியோ

தினகரனின் இந்த அரசியல் அதிரடியை பார்த்து நெட்டிசன்கள் வியந்து போயுள்ளனர். அதிமுகவுக்கு சரியான போட்டி இவர்தான் என்று புகழாரம் சூட்டி, அந்த வீடியோவை வைரலாக ஷேர் செய்து வருகிறார்கள். சிலரோ இதுபோன்ற திறமையானவர்களை, இதனால்தான் ஜெயலலிதா விலக்கி வைத்திருந்தார் எனவும் விமர்சனம் செய்துள்ளனர்.