5 மணிக்கு மேல வாங்க.. ஜெ. வீடியோ பற்றி சொல்கிறேன்.. டி.டி.வி தினகரன்

ஆர்.கே நகர் தேர்தல் வாக்குப்பதிவுக்கு பிறகு ஜெயலலிதா வீடியோ குறித்து பேசுவதாக டி.டி.வி தினகரன் தெரிவித்து உள்ளார்.

சென்னை : ஆர்.கே நகரில் செய்தியாளர்களை சந்தித்த டி.டி.வி தினகரன் வாக்குப்பதிவு முடிந்த பிறகு வெற்றிவேல் வெளியிட்ட ஜெயலலிதா வீடியோ பற்றி பேசுவதாக தெரிவித்தூ உள்ளார்.

ஆர்.கே நகர் இடைத்தேர்தல் காலை 8 மணி முதல் தொடங்கி அமைதியான முறையில் நடைபெற்று வருகிறது. வாக்காளர்களும் பெருமளவில் வரிசையில் நின்று வாக்களித்து வருகிறார்கள்.

ஆர்.கே நகர் தொகுதியில் வாக்குப்பதிவை பார்வையிட்ட டி.டி.வி தினகரன் செய்தியாளர்களை சந்தித்தார். அப்போது, இதுவரை எந்த பிரச்னையும் இல்லாமல் தேர்தல் நடந்து வருகிறது. வாக்குப்பதிவு இயந்திரங்களில் கோளாறு ஒரு பெரிய விஷயம் அல்ல; எலெக்ட்ரானிக் இயந்திரங்களில் கோளாறு ஏற்படுவது சகஜம் தான் என்று தெரிவித்தார்.

மேலும், தேர்தலை ரத்து செய்ய பலரும் நினைத்து செயல்பட்ட நிலையில் தேர்தல் ஆணையம் தேர்தல் நடத்துவதே பெரிய விஷயம் தான். அதனால் நாங்கள் முழுமையாக தேர்தல் ஆணையத்தை நம்புகிறோம். வெற்றி எங்களுக்கே என்று தெரிவித்தார்.

பின்னர் அவராகவே, வெற்றிவேல் வெளியிட்ட ஜெயலலிதா மருத்துவமனையில் சிகிச்சை பெறும் வீடியோ குறித்த கேள்வி எழுப்பி, வாக்குப்பதிவு முடிந்ததும் மறக்காமல் ஐந்து மணியளவில் பிரின்ஸ் லாட்ஜுக்கு வந்துவிடுங்கள். அந்த வீடியோ பற்றி முழுமையாக விவரங்கள் சொல்கிறேன் என்று சொல்லிவிட்டு கிளம்பிச்சென்றார்.

English summary

TTV Dinakaran says he will meet media by today evening after RK Nagar Polling. He also added that He will talk about the Jayalalithaa video which got Released by his supporter Vetrivel Yesterday.