கருணாநிதி விரைவில் குணமடைய இறைவனை பிரார்த்திக்கிறேன்: டிடிவி தினகரன்
கருணாநிதி குணமடைய இறைவனை பிரார்த்திப்பதாக டிடிவி தினகரன் கூறியுள்ளார்.
சென்னை: கருணாநிதியின் உடல்நிலை குறித்து விசாரிக்க டிடிவி தினகரன் காவேரி மருத்துவமனைக்கு வந்தார்.
தமிழகத்தின் மூத்த அரசியல் தலைவரும், திமுக தலைவருமான கருணாநிதி உடல்நலம் பாதிக்கப்பட்டு காவேரி மருத்துவமனையில் நேற்றிரவு முதல் அனுமதிக்கப்பட்டுள்ளார்.
இதனால் தமிழக மற்றும் இந்திய அரசியல் கட்சி தலைவர்கள் பலர் காலையிலிருந்தே மருத்துவமனைக்கு சென்று அவரது உடல்நலம் குறித்து அறிந்து கேட்டு வருகின்றனர். அதேபோல, திமுக தொண்டர்களும் ஏராளமான பொதுமக்களும் கருணாநிதியின் உடல்நலத்தின் நிலைமையை அறிய மருத்துவமனை முன்பு குவிந்து வருகின்றனர். அவரது உடல்நலனில் முன்னேற்றம் இருப்பதாகவும் தற்போது தெரிவிக்கப்பட்டுள்ளது.
இந்நிலையில், கருணாநிதியின் உடல்நிலை குறித்து விசாரிக்க டிடிவி தினகரன் காவேரி மருத்துவமனைக்கு வந்தார். கருணாநிதியின் உடல்நலம் குறித்து ஸ்டாலினிடம் கேட்டறிந்தார்.
அதன் பின்னர் செய்தியாளர்களிடம் பேசிய டிடிவி தினகரன், கருணாநிதி விரைவில் குணமடைய இறைவனை பிரார்த்திப்பதாக தெரிவித்தார்.