சட்டசபை தேர்தல்: 18 தொகுதிகளுக்கான வேட்பாளர் பட்டியலை வெளியிட்டது தமிழக வாழ்வுரிமை கட்சி
சென்னை: தமிழக சட்டசபை தேர்தலில் தமிழக வாழ்வுரிமை கட்சி சார்பாக போட்டியிடும் 18 தொகுதிகளுக்கான வேட்பாளர் பட்டியல் இன்று மாலை வெளியிடப்பட்டுள்ளது.
சட்டசபை தேர்தலில் அதிமுக கூட்டணியில் த.வா.க. இடம்பெற்றிருந்தது. ஆனால் தொகுதிப் பங்கீட்டு பேச்சுவார்த்தையில் இழுபறி ஏற்பட்டது. த.வா.க.வுக்கு ஒரு தொகுதி கூட ஒதுக்காமல் அதிமுக வேட்பாளர்களை அறிவித்தது.
இதனைத் தொடர்ந்து அதிமுக கூட்டணியில் இருந்து வெளியேறிய வேல்முருகன் தனித்துப் போட்டியிடுவோம் என அறிவித்தார். மேலும் நெய்வேலி சட்டசபை தொகுதியில் தாம் போட்டியிட உள்ளதாகவும் வேல்முருகன் கூறினார். நேற்று முன்தினம் அக்கட்சிக்கு கேமரா சின்னத்தை தேர்தல் கமிஷன் ஒதுக்கியது. இந்நிலையில் அக்கட்சி சார்பாக போட்டியிடும் 18 பேர்கள் கொண்ட வேட்பாளர் பட்டியல் இன்று மாலை வெளியானது.
18 தொகுதிகளுக்கான வேட்பாளர் விவரம்:
1.ஆத்தூர் - தமிழ்நேசன்
2.ராமநாதபுரம் - செரொன்குமார்
3.சிவகங்கை - சரவணராமகிருட்டிணன்
4.சங்கரன்கோவில் (தனி) - முத்து
5.விருதுநகர் - செந்தில்குமார்
6.தூத்துக்குடி - கிதர் பிசுமி
7.நாகர்கோவில் - சுரேசு
8.ஓட்டப்பிடாரம் (தனி) - ரோபி பிரபாகரன்
9.சிவகாசி - தங்க சரவணராஜ்
10.மதுரை வடக்கு - கருப்பையா பாண்டியன்
11.திருச்சி கிழக்கு - ராயல் ராசா
12.முசிறி - கலைசெல்வன்
13.நாங்குநேரி - முருகேசன்
14.அருப்புக்கோட்டை - வீரலட்சுமி மாரிச்சாமி
15.கும்பகோணம் - பிரபு
16.வேதாரண்யம் - நித்தியானந்தம்
17.திருமயம் - பழனிச்சாமி
18.திண்டுக்கல் - ஜெயரானி பிலிப்தாசு