தூக்கி அடிச்சிருவேன் பாத்துக்க.. டிரெண்ட் ஆன விஜயகாந்த்!

சென்னை: டெல்லியில் டிவி ரிப்போர்ட்டரிடம் விஜயகாந்த் தகராறு செய்த சம்பவத்தை வைத்து, தமிழ் டிவிட்டர் பயனாளர்கள் #தூக்கிஅடிச்சிருவேன்பாத்துக்க என்று ஒரு ஹேஷ்டேக் உருவாக்கி இந்திய அளவில் டிரெண்ட் செய்துள்ளனர்.

அனைத்துக் கட்சி குழுவுடன் பிரதமரை சந்தித்த விஜயகாந்த், டெல்லியில் நிருபர்களுக்கு பேட்டியளித்தார். அப்போது ஜெயா டிவி நிருபரின் கேள்விக்கு பதிலளிக்க மறுத்த விஜயகாந்த், 'மைக்கை தூக்கிஅடிச்சிருவேன்பாத்துக்க' என்று கூறி, எழுந்து நின்று அநாகரீகமாக நடந்து கொண்டார்.

டெல்லிக்கு விஜயகாந்த் சென்ற மைய கருத்து மறந்துபோய், மக்கள் மனதில், இப்போது அவரின் தகராறு நினைவில் நிற்கிறது.

இந்த நிலையில், விஜயகாந்த்தை கேலி செய்யும் விதமாக #தூக்கிஅடிச்சிருவேன்பாத்துக்க என்று ஹேஷ்டேக் உருவாக்கி, அதில் பலவாறாக கருத்துக்களை பதிவு செய்து வருகின்றனர் தமிழ் டிவிட்டர் பயனாளர்கள்.

இந்த டேக், அகில இந்திய அளவில் டிரெண்ட் ஆனதால், சோஷியல் மீடியா பயனாளர்கள் அனைவர் கவனத்துக்கும் சென்றுவிட்டது.

கரகாட்டக்காரன் திரைப்படத்தில் டப்பா காரை தள்ளிக் கொண்டு செல்லும் சகாக்களை பார்த்து, மானம் போச்சி என்பார் ஹீரோ ராமராஜன். அப்போது பார்த்து, பேரீச்சம்பழம் விற்பனை செய்யும் கதாப்பாத்திரம், அந்தபக்கமாக, 'பழைய இரும்பு தகரத்துக்கு பேரீச்சம்பழம்..' என்று கூவிக்கொண்டு செல்லும்.

அப்போது கவுண்டமனி ஒரு டயலாக் அடிப்பார் நியாபகம் இருக்கிறதா. இருந்த கொஞ்சம் மானத்தையும், இவன் வாங்கிட்டான்...என்று கவுண்டமணி சொல்வார். அந்தக் கதையாகியுள்ளது இப்போது.

English summary

Twitter users create hastag to tease Vijayakanth's Delhi clash with journalists.