''டாடி, எனக்கொரு டவுட்டு!''... இடிந்தகரையிலிருந்து இடித்துக் கேட்கும் உதயகுமார்!

Published: Sunday, March 23, 2014, 9:59 [IST]

Subscribe to Oneindia Tamil

இடிந்தகரை: ஆம் ஆத்மி கட்சியின் கன்னியாகுமரி தொகுதி வேட்பாளர் உதயகுமார் டாடி எனக்கொரு டவுட்டு என்ற தலைப்பில் முதல்வர் ஜெயலலிதா, விஜயகாந்த், மு.க.ஸ்டாலின் ஆகியோரிடம் சில கேள்விகளைக் கேட்டுள்ளார்.

இடிந்தகரையிலிருந்து தனது போராட்டத்தை மட்டுமல்லாமல், தேர்தல் பிரசாரத்தையும் முனைப்புடன் மேற்கொண்டு வருகிறார் உதயகுமார். இவர் ஆம் ஆத்மி சார்பில் குமரியில் போட்டியிடுகிறார். இவரது தோழர்கள் இருவரும் தூத்துக்குடி மற்றும் நெல்லையில் போட்டியிடுகின்றனர்.

இந்த நிலையில் டாடி எனக்கொரு டவுட்டு என்ற தலைப்பில் தனது பேஸ்புக் பக்கத்தில் முதல்வர் ஜெயலலிதாவுக்கு சில கேள்விகளையும், சந்தேகங்களையும் விடுத்துள்ளார் உதயகுமார்.

அவை...

தாது மணற் கொள்ளை.. வாய் திறக்கவில்லை

கன்னியாகுமரி, திருநெல்வேலி, தூத்துக்குடி மாவட்டங்களில் அண்மையில் தேர்தல் பிரச்சாரம் செய்த தமிழக முதல்வர் செல்வி. ஜெயலலிதா, எதிர்கட்சித் தலைவர் திரு. விஜயகாந்த், தி.மு.க. பொருளாளர் திரு. ஸ்டாலின் யாருமே கூடங்குளம், தாதுமணற் கொள்ளை பற்றியெல்லாம் வாயே திறக்கவில்லையே, ஏன்?

கூடங்குளம் மின்சாரம்... மூச்சு விடவில்லை

ஓரிரண்டு நாட்களுக்கு முன் சங்கரன்கோவிலில் தமிழக மின்தட்டுப்பாடு பிரச்சினை பற்றி விளக்கமாகப் பேசிய முதல்வர், கூடங்குளம் மின்சாரம் பற்றி மூச்சு விடவில்லையே, ஏன்?

நான்கு மணி நேரம் மின்வெட்டு ஏன்

கூடங்குளம் அணுமின் நிலையம் சூப்பராக வேலை செய்கிறதென்றால், தெருவெங்கும் மின்சாரம் பாய்ந்தோடுகிறதென்றால், தமிழகத்தில் நான்கு மணி நேரம் மின்வெட்டு நடக்கிறதே, ஏன்?

கூவிக் கூவி விற்பனை செய்ய

கூடங்குளம் அணுமின் நிலையம் வெற்றி பெற்றுவிட்டது என்றால், கூடங்குளம் திட்டத்தை நாட்டுக்கு அர்ப்பணித்து, காங்கிரசு வேட்பாளர்களை எல்லாம் கூவிக்கூவி விற்பனை செய்ய கேட்டுக்கொள்ளவில்லையே, ஏன்? என்று கேட்டுள்ளார் உதயகுமார்.

Published On March 23, 2014