முதல்வர் விஜய்க்கு உதயநிதி ஸ்டாலின் வாழ்த்து.. எதிரிக்கட்சியா இல்லாமல், எதிர்க்கட்சியா செயல்படுவோம்!
சென்னை: தமிழக முதல்வர் விஜய்க்கு உதயநிதி ஸ்டாலின் வாழ்த்து தெரிவித்துள்ளார். மக்களுக்கும் - அரசுக்கும் இடையிலான ஊடகமா நாங்க தான் இனி இருப்போம் எனவும், எதிரிக்கட்சியா இல்லாமல், ஒரு நல்ல எதிர்க்கட்சியா செயல்படுவோம் என்றும் அவர் கூறியுள்ளார். இதேபோன்று எதிர்க்கட்சித் தலைவராக பணியாற்றும் பெரிய பொறுப்பை வழங்கிய கழக தலைவர் ஸ்டாலினுக்கும் நன்றி தெரிவித்துள்ளார்.
தமிழகத்தில் 17வது முதல்வராக விஜய் இன்று பொறுப்பேற்றார். சென்னை நேரு உள்விளையாட்டு அரங்கில் நடந்த பதவியேற்பு விழாவில் ஆளுநர் அர்லேகர் பதவிப் பிரமாணம் செய்து வைத்தார். தமிழகத்தின் புதிய முதல்வராக பதவியேற்ற விஜய்க்கு பலரும் வாழ்த்து தெரிவித்து வருகின்றனர்.
விஜய்க்கு வாழ்த்துக்கள்
தமிழக எதிர்க்கட்சி தலைவராக ஆக உள்ள முன்னாள் துணை முதல்வர் உதயநிதி ஸ்டாலின் விஜய்க்கு வாழ்த்து தெரிவித்துள்ளார். அவர் தனது எக்ஸ் தளத்தில் பதிவிட்டு இருப்பதாவது:- தமிழ்நாட்டின் புதிய அரசுக்கும் - முதலமைச்சராக பொறுப்பேற்றுள்ள திரு.
விஜய் அவர்களுக்கும் என் வாழ்த்துகள்.
இந்த நேரத்தில், 17-ஆவது தமிழ்நாடு சட்டப்பேரவையின் எதிர்க்கட்சித் தலைவரா பணியாற்றும் பெரிய பொறுப்பை எனக்கு வழங்கியிருக்க கழகத்தலைவர் எங்க உயிரான
மு. க ஸ்டாலின் அவர்களுக்கும், கழகப் பொதுச்செயலாளர் மற்றும் கழகச் சட்டமன்ற உறுப்பினர்கள், கழக நிர்வாகிகள், தலைவர் கலைஞரின் உடன்பிறப்புகள், எல்லாத்துக்கும் மேல தமிழ்நாட்டு மக்கள் அனைவருக்கும் என்னோட அன்பான நன்றி!
எதிரிக்கட்சியா இல்லாமல்..
கழகத்தலைவர் அவர்களின் வழிகாட்டுதலின்படி, சட்டமன்றத்திலும் - மக்கள் மன்றத்திலும் - சமூக ஊடகங்களிலும் ஆற்றல்மிகு எதிர்க்கட்சியா மக்களின் குரலை நாங்க எதிரொலிப்போம். ஆக்கப்பூர்வமான விமர்சனங்களை முன்வைப்போம். எங்க தலைவர் சொன்ன மாதிரி, எதிரிக்கட்சியா இல்லாம, ஒரு நல்ல எதிர்க்கட்சியா செயல்படுவோம்.
மக்களுக்கும் - அரசுக்கும் இடையிலான ஊடகமா நாங்க தான் இனி இருப்போம். என் மேல நம்பிக்கை வச்சு மக்கள் கொடுத்திருக்க இந்தப் பொறுப்புக்கு நான் 100% உண்மையா இருப்பேன். கடுமையாக உழைப்பேன்!" என்று தெரிவித்துள்ளார்.
Click it and Unblock the Notifications
Sign in with Google