திருவாரூரில் உதயநிதி ஸ்டாலின் போட்டி? தோற்கடிக்க தினகரன் தரப்பு வியூகம்
திருவாரூரில் உதயநிதி ஸ்டாலின் போட்டியிடலாமாம்.
சென்னை: திருவாரூர் தொகுதியில் உதயநிதி ஸ்டாலின் போட்டியிடக் கூடும் என்பதால் அவரை தோற்கடிக்கும் வியூகங்களில் இறங்கியுள்ளது தினகரன் தரப்பு.
உதயநிதி ஸ்டாலின் திமுகவில் தீவிரமாக செயல்படத் தொடங்கியிருக்கிறார். திமுக கூட்டங்கள், போராட்டங்கள், தலைமை சந்திப்புகள் என அனைத்திலும் உதயநிதி தலைகாட்டி வருகிறார்.
உதயநிதிக்கும் திமுகவினர் முக்கியத்துவம் கொடுத்தும் வருகின்றனர். இந்த நிலையில் திருவாரூரில் தமது கட்சி நிர்வாகிகளுடன் அமமுக துணை பொதுச்செயலாளர் தினகரன் ஆலோசனை நடத்தி இருக்கிறார்.
அதில், திருவாரூரில் உதயநிதி ஸ்டாலின் போட்டியிட கூடும் என தகவல் வந்துள்ளது. அனேகமாக இது உறுதியாகத்தான் இருக்கும்.
நம்மை பொறுத்தவரை கருணாநிதி குடும்பத்தைச் சேர்ந்த யார் நின்றாலும் தோற்கடிக்கப்பட வேண்டும். அதற்குத்தான் வியூகம் வகுக்க வேண்டும். கருணாநிதி குடும்பத்தினரை தோற்கடித்துவிட்டால் மக்களுக்கு நம் மீதான விஸ்வரூபமெடுக்கும் என கூறியிருக்கிறார். திருவாரூரில் இதுதான் இப்போது ஹாட் டாபிக்காக பேசப்பட்டும் வருகிறது.
Click it and Unblock the Notifications
Sign in with Google