நகைச்சுவை நடிகர் கொட்டாச்சியை அடித்து உதைத்து பணம் பறித்த மர்ம நபர்கள்!
சேலம்: நகைச்சுவை நடிகர் கொட்டாச்சியை அடித்து உதைத்த மர்மநபர்கள் அவரிமிருந்து தங்க செயின், பணம் ஆகியவற்றை மர்ம நபர்கள் கொள்ளை அடித்து சென்றுள்ளன்ர.
விருமாண்டி உள்ளிட்ட படங்களில் நகைச்சுவை கதாபாத்திரத்தில் நடித்தவர் கொட்டாச்சி. இவருக்கு இன்று பிறந்தநாள். கொட்டாச்சி தனது பிறந்தநாளை கொண்டாட நேற்று இரவு சேலம் வந்துள்ளார். அங்கு ஒரு தனியார் லாட்ஜில் ரூம் எடுத்து தங்கியுள்ளார். பின்னர் ஆட்டோ மூலம் புதிய பேருந்து நிலையம் சென்றுள்ளார்.
அப்போது இவரை வழியில் ஒரு கும்பல் மடக்கியுள்ளது. ஆட்டோ டிரைவரும் லாவகமாக பேசி அந்த கும்பலுடன் சேர்ந்து பணம் கேட்டு மிரட்டியுள்ளார். இதை சற்றும் எதிர்பாராத கொட்டாச்சி அவர்களிடம் வாக்குவாதம் செய்துள்ளார். திடீரென அந்த கும்பம் கொட்டாச்சியை அடித்து உதைத்து 2 சவரன் தங்கச் செயின், 3 ஆயிரம் பணம், செல்போன் உள்ளிட்டவற்றை பறித்துச் சென்றுள்ளனர்.
இதன் பிறகு இன்று காலை தனது நண்பருடன் காவல்நிலையம் சென்ற கொட்டாச்சி, தான் தாக்கப்பட்டது தொடர்பாக புகார் அளித்தார். புகாரை அடுத்து கொட்டாச்சியை தாக்கி பணம் பறித்த மர்ம நபர்களை போலீஸார் தேடி வருகின்றனர்.
Click it and Unblock the Notifications
Sign in with Google