பாஜகவும் திராவிடக் கட்சிதானாம்... சொல்வது யாருன்னு பாருங்க...
பாஜகவும் திராவிடக் கட்சிதான் என்று மத்திய அமைச்சர் பொன். ராதாகிருஷ்ணன் தெரிவித்தார்.
Recommended Video
ஈரோடு: பாஜகவும் திராவிடக் கட்சிதான் என்றும் ஆண்டாள் விவகாரத்தை திசை திருப்பவே விஜேயந்திரர் விவகாரத்தை சிலர் கையிலெடுப்பதாகவும் மத்திய அமைச்சர் பொன்.ராதாகிருஷ்ணன் தெரிவித்தார்.
ஈரோடு அருகே வேப்பம்பாளையத்தில், பாஜக விவசாய அணி சார்பில் ஞாயிற்றுக்கிழமை நடைபெற்ற அஸ்வமேத ராஜசூய யாகத்தில் மத்திய அமைச்சர் பொன், ராதாகிருஷ்ணன் பங்கேற்றார். அப்போது அவர் செய்தியாளர்களிடம் கூறியதாவது:
தமிழகம், கேரளா, ஆந்திரா, கர்நாடகா உள்ளிட்ட திராவிட மாநிலங்களின் வளர்ச்சிக்காக பாஜக பல்வேறு நடவடிக்கைகளை மேற்கொண்டு வருவதால், பாஜகவும் திராவிடக் கட்சிதான். தமிழக மீனவர் பிரச்னைக்கு நிரந்தரத் தீர்வுகாணும் வகையில் ரூ. 1,500 கோடி மதிப்பில் ஆழ்கடல் மீன்பிடி பயிற்சி நிலையம் உள்ளிட்ட திட்டங்கள் செயல்படுத்தப்பட்டு வருகின்றன.
இதற்காக தமிழக அரசுக்கு உரிய நிதி வழங்கப்பட்டுள்ளது. மீனவர்களுக்கு அவ்வப்போது ஏற்படும் பிரச்னைகளுக்குத் தீர்வுகாணும் வகையில், இந்திய -இலங்கை நாடுகளின் அமைச்சர்கள் அடங்கிய குழு அமைக்கப்பட்டுள்ளது.
ஆண்டாள் குறித்து வைரமுத்து அவதூறாக கருத்து கூறியதை திசைதிருப்பவே விஜயேந்திரர் விவகாரத்தை சிலர் கையில் எடுத்துள்ளனர் என்றார் அமைச்சர் பொன்.ராதாகிருஷ்ணன்.