கருணாநிதியின் உடல் நலம் குறித்து விசாரித்தார் வைகோ!

திமுக தலைவர் கருணாநிதியின் உடல்நலம் குறித்து அவரது குடும்பத்தினரிடம் மதிமுக பொதுச்செயலர் வைகோ நலம் விசாரித்திருக்கிறார்.

சென்னை: திமுக தலைவர் கருணாநிதியின் உடல்நலம் குறித்து அவரது குடும்பத்தாரை தொடர்பு கொண்டு நலம் விசாரித்தார் மதிமுக பொதுச்செயலர் வைகோ.

கருணாநிதிக்கு ஒவ்வாமையால் உடல்நலம் பாதிக்கப்பட்டுள்ளது. இதற்காக அவர் ஓய்வில் இருப்பதாக திமுக தலைமைக் கழகம் வெளியிட்ட அறிக்கையில் தெரிவிக்கப்பட்டது.

இதனிடையே கருணாநிதியின் உடல்நலம் குறித்து தமிழக காங்கிரஸ் கமிட்டி தலைவர் திருநாவுக்கரச, கவிஞர் வைரமுத்து ஆகியோர் மு.க.ஸ்டாலினிடம் நலம் விசாரித்திருந்தனர்.

இந்த நிலையில் கருணாநிதியின் குடும்பத்தினரை தொடர்பு கொண்ட மதிமுக பொதுச்செயலர் வைகோ, கருணாநிதியின் உடல்நலம் குறித்து விசாரித்ததாக திமுக வட்டாரங்கள் தெரிவிக்கின்றன.

English summary

MDMK General Secretary Vaiko enquired through phone about DMK leader Karunanidhi's health.