வயிற்று வலியால் அவதி.. விஜயகாந்த் சேர்க்கப்பட்டுள்ள அதே மருத்துவமனையில் வைகோவும் அனுமதி

Updated: Wednesday, July 9, 2014, 11:46 [IST]

Subscribe to Oneindia Tamil

சென்னை: மதிமுக பொதுச் செயலாளர் வைகோ உடல் நல பாதிப்பால் சென்னை அப்பல்லோ மருத்துவமனையில் அனுமதிக்கப்பட்டுள்ளார். அவருக்கு வயிற்று வலி என்று கூறப்பட்டுள்ளது.

இதே மருத்துவமனையில்தான் தேமுதிக தலைவர் விஜயகாந்த்தும் நெஞ்சு வலி காரணமாக சேர்க்கப்பட்டுள்ளார் என்பது குறிப்பிடத்தக்கது.

வைகோக்கு நேற்று இரவு திடீர் உடல் நலக்குறைவு ஏற்பட்டது. கடுமையான வயிற்று வலியால் அவர் அவதிப்பட்டார். இதையடுத்து 11 மணி அளவில் அவரை அப்பல்லோ மருத்துவமனைக்கு அழைத்துச் சென்று சேர்த்தனர். அவருக்கு பல்வேறு பரிசோதனைகள் நடத்தப்பட்டுள்ளன.

தொடர்ந்து அவருக்கு அளிக்கப்பட்டு வருகிறது என்று மருத்துவமனை வட்டாரத் தகவல்கள் தெரிவிக்கின்றன.

ஒரே மருத்துவமனையில் வைகோவும், தேமுதிக தலைவர் விஜயகாந்த்தும் சுகவீனம் காரணமாக அனுமதிக்கப்பட்டிருப்பதால் அரசியல் வட்டாரத்தில் பரபரப்பு ஏற்பட்டுள்ளது.