வைகோ அலுவலகத்தில் 'கலைஞர் டிவி'??.. பேஸ்புக்கில் கலாய்ப்புகள்!
சென்னை: மதிமுக பொதுச் செயலாளர் வைகோவை, நாம் தமிழர் தலைவர் சீமான் தனது மனைவியுடன் சென்று சந்தித்த புகைப்படம் வெளியாகியுள்ளது. ஆனால் அந்த சந்திப்பை விட அந்த அறையில் உள்ள டிவியை வைத்து பேஸ்புக்கில் கலாய்த்து வருகின்றனர்.
அது சின்ன டிவி. பார்ப்பதற்கு கடந்த திமுக ஆட்சியில் வழங்கப்பட்ட தமிழக அரசின் இலவச வண்ணத் தொலைக்காட்சிப் பெட்டி போல இருக்கிறது. இதை வைத்துத்தான் பலர் கருத்துக்களைப் பதிவிட்டு வருகின்றனர்.
வைகோ அலுவலகத்தில் கலைஞர் டிவியா என்று பலரும் கேட்டு வருகின்றனர் பேஸ்புக்கில்.
சீமான் சந்திப்பு
மதிமுக பொதுச் செயலாளர் வைகோவுடன், சீமானும், அவரது மனைவியும் சந்தித்துப் பேசுவது போல உள்ளது அந்தப் புகைப்படம்.
நலம் விசாரிக்க
வைகோவிடம் சீமானும், அவரது மனைவியும் நலம் விசாரித்தபோது எடுக்கப்பட்ட படம் போலத் தெரிகிறது.
குட்டி டிவி
அந்த அலுவலக அறையில் வைகோவின் இடதுபுற மூலையில் ஒரு சின்ன டிவி உள்ளது.
கலைஞர் டிவியா
அந்த டிவியைப் பார்த்தால் கிட்டத்தட்ட கடந்த திமுக ஆட்சியில் வழங்கப்பட்ட இலவச வண்ணத் தொலைக்காட்சி போலத்தான் தெரிகிறது. இதை வைத்து வைகோ அறையில் கலைஞர் டிவியா என்று பேஸ்புக்கில் பலரும் கருத்து தெரிவித்துக் கொண்டுள்ளனர்.
இருந்தால் என்ன தப்பு
கடந்த திமுக ஆட்சியின்போது வழங்கப்பட்ட இலவச வண்ணத் தொலைக்காட்சி இல்லாத வீடே தமிழகத்தில் இல்லை என்று கூறலாம். வைகோவின் தலைவர்தானே கருணாநிதி. இருந்து விட்டுப் போகட்டுமே..!