நீங்கள் விரும்பும் வரை வாழுங்கள் கலைஞரே... வைரமுத்துவின் வாழ்த்து
அரசியலிலும், கலைத்துறையிலும் கொடிநாட்டிய கலைஞர் என்ற கருணாநிதி தான் விரும்பும் காலம் வரை வாழ வேண்டும் என்று கவிஞர் வைரமுத்து வாழ்த்துகளை தெரிவித்துள்ளார்.
சென்னை : இன்று 94வது பிறந்தநாளைக் கொண்டாடும் திமுக தலைவர் கருணாநிதிக்கு கவிஞர் வைரமுத்து தனது வாழ்த்துக்களை தெரிவித்துள்ளார்.
இயற்கையின் அழகான கடல்அலை, குயிலின் கீதம் போல கருணாநிதியின் பெருமைகளை நாளெல்லாம் புகழ்ந்து கொண்டிருக்கலாம் என்று வைரமுத்து வாழ்த்தியுள்ளார். ஜாதி, அரசியல், பணம் என்று எந்தப் பின்புலமும் இல்லாமல் ஒரு மனிதன் சிகரம் தொட முடியும் நாட்டையே திரும்பிப் பார்க்க வைக்க முடியும் என்பதற்கு கருணாநிதி இன்றைய தலைமுறைக்கு சிறந்த உதாரணம் என்றும் பாராட்டியுள்ளார்.
அரசியல், கலை என்று இரண்டு துறையில் ஏதாவது ஒன்றில் மட்டுமே வெற்றி பெற முடியும். ஆனால் இந்த இரண்டு துறையிலும் வெற்றி கண்டவர் கருணாநிதி மட்டுமே. திரைப்படத்தில் நடிக்கச் செல்வோர் பராசக்தி வசனம், மனோகரா கதாபாத்திரத்தை நடித்துக் காட்டியே திரைத்துறையில் கடந்த 50 ஆண்டுகளாக நுழைந்து வருகின்றனர்.
இது போன்ற கருணாநிதியின் அரசியல் வாழ்க்கைப் போராட்டம், தலைவர்களிடம் காட்டிய அன்பு, அவருடன் பயணித்த அனுபவங்கள் என பலவற்றையும் பகிர்ந்து கொள்கிறார் கவிஞர் வைரமுத்து. முழு வாழ்த்தையும் வீடியோவில் பார்த்து தெரிந்து கொள்ளுங்கள்.
Click it and Unblock the Notifications
Sign in with Google