பிடர் கொண்ட சிங்கமே பேசு- கருணாநிதிக்கு வைரமுத்து உருக்கமான கவிதை

பிடர் கொண்ட சிங்கமே பேசு என்று கருணாநிதிக்கு வைரமுத்து உருக்கமான கவிதை எழுதியுள்ளார்.

சென்னை: பிடர் கொண்ட சிங்கமே பேசு என்று கருணாநிதி குறித்து வைரமுத்து உருக்கமான கவிதையை எழுதி அவர் முன்பு படித்துக் காட்டினார்.

கருணாநிதியின் உடல்நிலை நாளுக்கு நாள் முன்னேறி வருவதை கண்ட தொண்டர்கள் மிக்க மகிழ்ச்சியில் உள்ளனர். அதிலும் கடந்த இரு நாட்களுக்கு முன்பு கொள்ளு பேரனுடன் கிரிக்கெட் விளையாடி வீடியோ வெளியானது அடுத்து தொண்டர்களுக்கு மேலும் உற்சாகத்தை கொடுத்துள்ளது.

இந்நிலையில் அவர் எப்போதும் உடன்பிறப்புகளே என்று அழைப்பார் என்று தொண்டர்கள் காத்துகிடக்கின்றனர். இதனிடையே, கவிஞர் வைரமுத்து கருணாநிதிக்கு உருக்கமான கவிதையை எழுதி அதை அவரிடம் படித்து காட்டியுள்ளார்.

அவர் எழுதிய கடிதம்:

பிடர் கொண்ட சிங்கமே பேசு

இடர்கொண்ட தமிழ்நாட்டின்

இன்னல்கள் தீருதற்கும்

படர்கின்ற பழைமை வாதம்

பசையற்றுப் போவதற்கும்

பிடர்கொண்ட சிங்கமே பேசுhttps://t.co/E4an0wf8qS

— வைரமுத்து (@vairamuthu) March 4, 2018

சுடர் கொண்ட தமிழைக் கொண்டு

சூள் கொண்ட கருத்துரைக்கப்

பிடர் கொண்ட சிங்கமே

நீ பேசுவாய் வாய் திறந்து

யாதொன்றும் கேட்கமாட்டேன்

யாழிசை கேட்கமாட்டேன்

வேதங்கள் கேட்கமாட்டேன்

வேய்க்குழல் கேட்கமாட்டேன்

தீதொன்று தமிழுக் கென்றால்

தீக்கனல் போலெழும்பும்

கோதற்ற கலைஞரே

நின்குரல் மட்டும் கேட்க வேண்டும்

இடர்கொண்ட தமிழர் நாட்டின்

இன்னல்கள் தீருதற்கும்

படர்கின்ற பழைமை வாதம்

பசையற்றுப் போவதற்கும்

சுடர் கொண்ட தமிழைக் கொண்டு

சூள் கொண்ட கருத்துரைக்கப்

பிடர் கொண்ட சிங்கமே

நீ பேசுவாய் வாய் திறந்து...

என்று வைரமுத்து கருணாநிதிக்கு கவிதை எழுதியுள்ளார்.

English summary

Vairamuthu writes poem for Karunanidhi and reads before him in Gopalapuram house.