வயக்காட்டு பொம்மை ஒன்றும் கெட்ட வார்த்தை அல்ல: சட்டசபையில் ஜெ., விளக்கம்

By Mayura Akilan

Published: Wednesday, August 3, 2016, 16:14 [IST]

Subscribe to Oneindia Tamil

சென்னை: அதிமுக உறுப்பினர் முத்தையா பேசிய வயக்காட்டு பொம்மை என்ற சொல் மரபு மீறியது அல்ல, கெட்ட வார்த்தை அல்ல என்று முதல்வர் ஜெயலலிதா சட்டசபையில் தெரிவித்துள்ளார்.

தமிழக சட்டசபையில் இன்று அதிமுக எம்எல்ஏ முத்தையா பேசுகையில், தமிழக சட்டசபையில் 89 வயக்காட்டு பொம்மைகள் இருப்பதாகக் கூறினார். இதனால், திமுகவினர் கடும் அமளியில் ஈடுபட்டனர்.

அந்த வார்த்தையை அவைக் குறிப்பில் இருந்து நீக்குமாறு கோரினர். அது ஏற்றுக் கொள்ளப்படாததால், அமளி நீடித்தது. திமுகவினரின் அமளி தொடர்ந்ததால் அவை நடவடிக்கைகள் நாளை வரை ஒத்திவைக்கப்படுவதாக சபாநாயகர் அறிவித்தார்.

vayakkattu bommai word is not bad word jayalalitha explains

மின்சார கோரிக்கை மீதான பதிலுரை நாளை நடைபெறும் என்றும், திமுகவினர் அவை நடவடிக்கைகளை நடத்த ஒத்துழைப்பு அளிக்கவில்லை என்றும் அவைத் தலைவர் தனபால் குற்றச்சாட்டினார்.

அவை ஒத்திவைக்கப்பட்ட பின்னரும் திமுக உறுப்பினர்கள் சட்டசபையில் இருந்து வெளியேறாமல் உள்ளிருப்புப் போராட்டத்தில் ஈடுபட்டனர்.

அப்போது பதில் அளித்த முதல்வர் ஜெயலலிதா, தமிழில் வயக்காட்டு பொம்மை என்றால், அது ஒன்றம் நாடாளுமன்றத்தில் சொல்லக்கூடாத சொல் அல்ல. கெட்ட வார்த்தை அல்ல என்று கூறினார்.

அதிமுக உறுப்பினர் பேசுகின்ற போது யாருடைய பெயரையும் குறிப்பிட்டுச் சொல்லவில்லை. இதற்கு எதிர்க்கட்சி உறுப்பினர்கள் ஏன் இப்படி சத்தம் போடுகின்றார்கள் என்று புரியவில்லை.

ஆளுங்கட்சி உறுப்பினர், வயலில் இருக்கும் வயக்காட்டுப் பொம்மைகளைப் பற்றிப் பேசினார். இங்கு இருக்கின்றன எதிர்க்கட்சி உறுப்பினர்கள் தங்களைத் தான் குறிப்பிடுகிறார் என்று ஏன் எடுத்துக் கொள்ள வேண்டுமென்று புரியவில்லை என பதில் அளித்தார்.

அதிமுக உறுப்பினர் முத்தையா பேசிய வயக்காட்டு பொம்மை என்ற சொல் மரபு மீறியது அல்ல, கெட்ட வார்த்தை அல்ல என்றும் முதல்வர் ஜெயலலிதா தெரிவித்தார்.

இது தொடர்பாக ஸ்டாலின் பேசும்போது, ''முத்தையா பேச்சை அவைக்குறிப்பிலிருந்து நீக்க முறையிட்டோம். சுயமரியாதையைக் காப்பாற்றிக் கொள்ள கடைசி வரை போராடினோம். சர்வாதிகார மனப்பான்மையுடன் சபாநாயகர் செயல்படுகிறார்'' என்று குற்றம் சாட்டினார். கொத்தடிமைகளை நீக்கிவிட்டார்கள், வயக்காட்டு பொம்மைகளை நீக்கவில்லை என்றும் அவர் கூறினார்.

காங்கிரஸ் சட்டசபைக் குழு தலைவர் ராமசாமி அவை ஒத்திவைப்பு குறித்துப் பேசும்போது, சட்டசபையில் இதுவரை நடந்திராத சம்பவம் நடந்துள்ளது என்று கூறினார்.

Published On August 3, 2016