கருணாநிதியின் கோபாலபுரத்து வீட்டில் ஒலித்த வேதமந்திரங்கள்... வைரல் வீடியோ

By Mayura Akilan

Published: Saturday, January 9, 2016, 15:31 [IST]

Subscribe to Oneindia Tamil

சென்னை: கருணாநிதியின் கோபாலபுரத்து வீட்டில் வேத மந்திரங்கள் முழங்கியது என்று சொல்வதை கேட்பவர்களுக்கு ஆச்சரியமாகத்தான் இருக்கும். அது நிஜமான உண்மை. ஸ்ரீராமானுஜரின் வாழ்க்கை வரலாற்றினை தெலுங்கில் டப்பிங் செய்து வெளியிட அனுமதி கேட்டு வந்தவர்கள்தான் வேத மந்திரம் முழங்க கருணாநிதியை வாழ்த்தினர். அந்த வீடியோதான் சமூக வலைத்தளங்களில் வைரலாகி வருகிறது.

திமுக தலைவர் கருணாநிதி எழுதிய மதத்தில் புரட்சி செய்த மகான் ராமானுஜர் என்ற தொடர் கலைஞர் டிவியில் ஒளிபரப்பாகி வருகிறது. இத்தொடரை தெலுங்கில் மொழி மாற்றம் செய்து வெளியிட திருப்பதி தேவஸ்தான தலைவர் சதனவாடா கிருஷ்ணமூர்த்தி அனுமதி கேட்டிருந்தார்.

கடவுள் இல்லை என்று சொன்ன நாத்திக பகுத்தறிவு " பப்பரக்கா " என்று பல்லிளித்த நேரத்தில் எடுத்த வீடியோ. நம்புங்க. இது கருணாநிதி வீடு தான்.
Posted by சரவணன் சிவதாணு on Friday, January 8, 2016

இதற்காக வீட்டில் கருணாநிதியை சந்திக்க தேவஸ்தான அதிகாரிகளுடன் வந்த சதனவாடா கிருஷ்ணமூர்த்தி, தன்னுடன் வேதவிற்பன்னர்களையும் அழைத்து வந்து, வேதங்களை முழங்க வைத்தார். அவர்களது ஆசியை அன்புடனும் பொறுமையாகவும் ஏற்றுக்கொண்டார் கருணாநிதி. அந்த நிகழ்ச்சியின் வீடியோ, பேஸ்புக், வாட்ஸ்அப்பில் தற்போது வைரலாக பரவி வருகிறது.

ஏற்கனவே இந்நிகழ்ச்சியின் போட்டோவை ஜன.6ம் தேதி, தனது டுவிட்டரில் வெளியிட்டிருந்தார் கருணாநிதி. அவரது இந்த மாற்றத்தைக் கண்டு, ஆன்மிகவாதிகள் மகிழ்ச்சி அடைகிறார்கள்.

Published On January 9, 2016