சேலம் 'குறுநில மன்னர்' கனவு.. வீரபாண்டி ராஜாவுக்கு செக் வைத்த 'சென்னை இளவரசர்'

சென்னை: சேலம் தி.மு.க. மாவட்ட செயலாளர்கள் தேர்தலில் தமது ஆதரவாளர்களை வெல்ல வைத்து குறுநில மன்னராகிவிடலாம் என்று கனவு கண்ட வீர்பாண்டி ராஜாவுக்கு அதிர்ச்சி வைத்தியம் கொடுக்கும் வைக்கும் வகையில் தேர்தலை ஒத்தி வைத்து பொறுப்பாளர்களை நியமித்திருக்கிறது தி.மு.க. தலைமை. இதில் வீரபாண்டி ராஜா தரப்பு ஆதரவாளர்கள் கடும் அதிருப்தியில் இருக்கின்றனர்.

லோக்சபா தேர்தலில் தி.மு.க. தோல்வி அடைந்ததைத் தொடர்ந்து மாவட்டங்கள் 65ஆகப் பிரிக்கப்பட்டது. இதனைத் தொடர்ந்து முன்னெப்போதும் இல்லாத வகையில் சென்னையில் மாவட்ட செயலாளர்களுக்கான தேர்தல்கள் நடத்தப்பட்டன.

அப்படியும் பஞ்சாயத்து ஓயாத மாவட்டங்களாக இருந்தவை சேலமும் ஈரோடுதான். இந்நிலையில்தான் சேலம் கிழக்கு, மத்தி, மேற்கு மாவட்ட செயலாளர்கள் பதவிக்கான தேர்தல் மார்ச் 16,17,18 நடைபெறும் என்று தி.மு.க.தலைமை அறிவித்தது.

இதனைத் தொடர்ந்து 3 மாவட்ட செயலாளர்களையும் தாமும் தமது ஆதரவாளர்களும் கைப்பற்றி விடுவது என்று கங்கணம் கட்டிக் கொண்டு களமிறங்கினார் வீரபாண்டி ராஜா. இதனால் எப்படியும் தோற்றுப் போய்விடுவோம் என்று அலறிய எதிர்தரப்பாகிய பனைமரத்துப்பட்டி ராஜேந்திரன், சிவலிங்கம் ஆகியோர் சென்னையில் டேரா போட்டு 'தி.மு.க. இளவரசரிடம்' லாபி செய்தனர்.

இந்த லாபியும் ஒர்க் அவுட் ஆக தி.மு.க. தலைமை திடீரென சேலம் மாவட்ட செயலாளர்கள் தேர்தலை ஒத்திவைத்து சேலம் கிழக்கு மாவட்டத்துக்கு சிவலிங்கம், மத்திய மாவட்டத்துக்கு பனைமரத்துப்பட்டி ராஜேந்திரன், கிழக்கு மாவட்டத்துக்கு வீரபாண்டி ராஜா பொறுப்பாளர்கள் என அறிவித்தது.

இதில் வீரபாண்டி ராஜா தரப்பு ரொம்பவும் அப்செட் ஆகிப் போனது. வீரபாண்டி ராஜாவின் பூலாவரி வீட்டில் உடனே திரண்ட தமது ஆதரவாளர்களிடம் கட்சி தலைமையை ஏற்று நடப்போம் அமைதிகாப்போம் என்று ஆறுதல் சொன்ன கையோடு தலைவர்கள் சிலைக்கு மாலை அணிவிக்க படை திரட்டினார்..

இந்தப் படை போதுமா? இன்னும் கொஞ்சம் வேணுமா? என்று சென்னையில் உள்ள தி.மு.க.வின் தலைமை அலுவலகத்துக்கு கேட்கும் வகையில் திரண்டது வீரபாண்டி ராஜாவின் படை. எப்ப தேர்தல் நடந்தாலும் நாங்கள்தான் ஜெயிப்போம் என்கிறது வீரபாண்டி ராஜா தரப்பு. எப்படியும் உங்களை ஓரம்கட்டி குறுநிலமன்னராக கோலோச்ச விடமாட்டோம் என்கிறது 'இளவரசர்' ஆதரவு எதிர்தரப்பு.. இதனால் தள்ளிப் போகிறது சேலம் தி.மு.க. மாவட்ட செயலாளர்கள் தேர்தல்.

சட்டசபை தேர்தலுக்கு முன்னாடியாது சேலம் தி.மு.க. மா.செ. தேர்தல் நடக்குமா?

English summary

The DMK headquarters divided Salem revenue districts into three - Salem East, Salem West and Salem Central - for organisational elections. It had also scheduled elections for March 16, 17 and 18. When the cadre were preparing for the elections, the high command on Thursday announced the postponement of the elections and nominated three leaders as in-charge of the three units: ‘Veerapandi' A. Raja, son of former DMK strongman late ‘Veerapandi' S.Arumugam (Salem East); ‘Panaimarathupatti' A. Rajendran (Salem Central) and S. R. Sivalingam (Salem West). The supporters of ‘Veerapandi' A. Raja, who were confident of winning all three posts, were taken aback. As soon as the news of postponement of elections was announced, a good number of Mr. Raja's supporters gathered at his residence in Poolavari village. With tension mounting and tempers running high, Mr. Raja pacified his supporters asking them to abide the party's decision.