மக்கள் நல கூட்டணியை ஏன் ஆதரிக்க வேண்டும்? டிவிட்டரை 2வது நாளாக தெறிக்கவிடும் அபிமானிகள்!
சென்னை: வெல்லட்டும் மக்கள் நல கூட்டணி (#VellattumMNK) என்ற ஹேஷ்டேக் டிவிட்டரில் இன்று தேசிய அளவில் டிரெண்ட் ஆனது. நேற்றைக்கும் மக்கள் நல கூட்டணிக்கு ஆதரவாக ஹேஷ்டேக் டிரெண்ட் ஆன நிலையில், 2வது நாளாக அக்கூட்டணி ஆதரவாளர்கள் சமூக வலைத்தளத்தில் ஆதிக்கம் செலுத்தியுள்ளனர்.
#VellattumMNK என்ற ஹேஷ்டேக் மூலம், திமுக, அதிமுக கட்சிகளின் கடந்த கால தவறுகளை மக்கள் நல கூட்டணி ஆதரவாளர்கள் வெளிப்படுத்தி வருகிறார்கள்.
மக்கள் நல கூட்டணி தலைவர்கள் செய்த மக்கள் பணிகள் குறித்தும் அந்த ஹேஷ்டேக் விளக்குகிறது. நேற்று #Vote4MNK என்ற பெயரில் டிவிட்டரில் இவர்கள் டிரெண்ட் செய்தனர். பண பலம்மிக்க திமுக அதிமுகவினரை விஞ்சும் வகையில் சமூக வலைத்தளத்தில் மக்கள் நல கூட்டணிக்கு ஆதரவு அதிகரித்துள்ளது இதன் மூலம் தெரியவருகிறது.
சில ஆவேச, சுவாரசிய டிவிட்டுகளை இப்போது பார்க்கலாம்:
|
திரைத்துறை
அதிமுக ஆட்சியில் அரசியல் சமந்தபட்ட படம் வர முடியாது. திமுக ஆட்சியில் கார்டூன் படம் கூட அவர்கள் அனுமதியின்றி வர முடியாது, என்கிறது இந்த டிவிட்.
|
கட்ட பஞ்சாயத்து
திமுக வந்தால் ஒருவரும் வீடுகட்ட முடியாது. ஒரு பத்திரப் பதிவு பண்ண முடியாது. ஒருவரும் நிம்மதியா இருக்க முடியாது என்பது மக்கள் அறிந்ததே என்கிறது இந்த டிவிட்.
|
கண்டனம்தான் சொல்வர்
மக்கள் பிரச்சனைகளின் போது கை கட்டி வேடிக்கை பார்க்கும்/ வெற்றுக் கண்டனம் கூறிவிட்டு பணம் சுருட்ட செல்லும் ஆட்சிகளை அகற்ற மக்கள் நல கூட்டணியை தேர்ந்தெடுக்க கோருகிறது இந்த டிவிட்.
|
மீத்தேன் திட்டத்தை நிறுத்தியது
மீத்தேனையும்...நியூட்ரினோவையும் நிறுத்தியது நாங்கள் தானே... ஒரு ஒட்டு போட்டு உங்கள் ஆதரவை தெரிவியுங்கள், என்று கூறுகிறது இந்த டிவிட்.
|
பரஸ்பர புரிதல்
திமுக, அதிமுக ஆகிய இரு கழகங்களுக்கும் பரஸ்பர புரிதல் உள்ளதை அறிவார்ந்த மக்கள் அறிவார்கள். ஒருவர் ஊழலுக்கு இன்னொருவர் தண்டனை வாங்கி தந்ததே கிடையாது.. என்று கூறுகிறது இந்த டிவிட்.
|
யாரு பி டீம்
இவங்கள கேள்வி கேட்டா அவுங்களோட பி டீம் அப்படீன்னு சொல்றதும், அவங்கள கேட்டா இவங்களோட பி டீமுன்னு சொல்வதும் 2 கட்சிகளின் வழக்கமாகிவிட்டது. நாட்டுக்காக ஒருத்தரும் பேசிடவே கூடாது அதானே.. என்று ஆதங்கப்படுகிறது இந்த டிவிட்.
|
யோசிச்சாலே தெரியும்
ஒரு மணி நேரம் தனியா ஒரு இடத்துல உக்காந்து யோசிச்சி பாருங்க கடந்த கால திமுக, அதிமுக ஆட்சிய அதற்கு பிறகு நீங்களே சொல்லுவிங்க.. என்று கூறுகிறது இந்த டிவிட்.
|
வைகோ போட்ட வழக்குகள்
திமுக, அதிமுக பிரமுகர்களுக்கு எதிரான வழக்குகளையும், மக்கள் நல கூட்டணி தலைவர்களுக்கு எதிரான வழக்குகளையும் ஒப்பிடுகிறது இந்த டிவிட்.
|
மக்களுக்கான யுத்தம்
தேர்தல் என்பது திமுக அதிமுக சண்டை அல்ல.. மக்களுக்கும் ஊழல் கட்சிகளுக்குமிடையேயான யுத்தம்.. இதில் மக்கள் வெல்ல, மக்கள் நல கூட்டணியே தேர்வு என்கிறது இந்த டிவிட்.
Click it and Unblock the Notifications
Sign in with Google