ஆட்டவோ, அசைக்கவோ முடியாது என ஒரு முதல்வர் பேசலாமா? வெற்றிவேல் காட்டம்

ஆட்டவோ அசைக்கவோ முடியாது என முதல்வராக இருப்பவர் பேசலமா? என வெற்றிவேல் சாடியுள்ளார்.

By Mathi

Published: Wednesday, August 30, 2017, 19:11 [IST]

Subscribe to Oneindia Tamil

சென்னை: அதிமுகவை ஆட்டவோ, அசைக்கவோ முடியாது என ஒரு முதல்வர் பேசலாமா? முதல்வர் சொல்லும் வார்த்தையா இது? என தினகரன் ஆதரவு எம்.எல்.ஏ. வெற்றிவேல் சீறியுள்ளார்.

அதிமுகவை யாராலும் ஆட்டவும் அசைக்கவும் முடியாது என முதல்வர் எடப்பாடி பழனிச்சாமி தொடர்ச்சியாக கூறி வருகிறார். வண்டாலூர் அருகே இன்று நடைபெற்ற எம்ஜிஆர் நூற்றாண்டு விழாவிலும் கூட, சுயநலத்துக்காக அதிமுகவை கூறு போட அனுமதிக்கமாட்டோம் என கூறியிருந்தார்.

முதல்வர் எடப்பாடி பழனிச்சாமியின் கருத்து தொடர்பாக வெற்றிவேல் எம்.எல்.ஏ.விடம் சென்னை தலைமை செயலகத்தில் செய்தியாளர்கள் கேள்வி எழுப்பினர். இதற்கு பதிலளித்த வெற்றிவேல், ஆட்டவோ அசைக்கவோ முடியாது என ஒரு முதல்வர் பேசலாமா? முதல்வர் பதவியில் இருந்து கொண்டு இது போல தரமில்லாமல் பேசலாமா?

பதவிக்கு தகுந்தாற்போல நடக்காதவர்கள் எல்லாம் முதல்வரா? என கொந்தளித்தார்.

Published On August 30, 2017