காவேரி மருத்துவமனையில் கருணாநிதியை சந்தித்தார் வெங்கைய்யா நாயுடு!

திமுக தலைவர் கருணாநிதியின் உடல்நிலை குறித்து விசாரிக்க துணை ஜனாதிபதி வெங்கைய்யா நாயுடு காவேரி மருத்துவமனை வந்துள்ளார்.

சென்னை: திமுக தலைவர் கருணாநிதியின் உடல்நிலை குறித்து விசாரிக்க துணை ஜனாதிபதி வெங்கைய்யா நாயுடு காவேரி மருத்துவமனை வந்துள்ளார். காவிரி மருத்துவமனையில் கருணாநிதியை நேரில் பார்த்தார் வெங்கையா நாயுடு.

திமுக தலைவர் கருணாநிதிக்கு சிறுநீரக நோய் தொற்று மற்றும் இரத்த அழுத்த பிரச்சனை ஏற்பட்டுள்ளது. இரண்டு நாட்களுக்கு முன்பு அவருக்கு சிறுநீரக நோய் தொற்று ஏற்பட்டுள்ளது. கருணாநிதிக்கு தொடர்ந்து இரண்டாவது நாளாக சிகிச்சை அளிக்கப்பட்டு வருகிறது.

காவேரி மருத்துவமனை மருத்துவர்கள் சிகிச்சை அளித்து வருகிறார்கள். வரிசையாக அரசியல் தலைவர்கள் அவரது உடல்நிலை குறித்து விசாரித்து வருகிறார்கள்.

இந்தநிலையில் கருணாநிதியின் உடல்நிலை குறித்து விசாரிக்க துணை ஜனாதிபதி வெங்கைய்யா நாயுடு சென்னை வந்துள்ளார்.

டெல்லியில் இருந்து விமானம் மூலம் அவர் சென்னை வந்த அவர் தற்போது காவேரி மருத்துவமனைக்கு வந்துள்ளார். இதனால் மருத்துவமனையில் பாதுகாப்பு அதிகரிக்கப்பட்டு இருக்கிறது.

காலையில் அவர் சென்னை வந்த போது பாஜக தலைவர்கள் அவருக்கு விமான நிலையத்தில் வரவேற்பு அளித்தனர். பொன். ராதாகிருஷ்ணன், தமிழிசை சௌந்தரராஜன் உள்ளிட்டோர் அவருக்கு வரவேற்பு அளித்தனர்.

வெங்கையா நாயுடுவுடன் ஆளுநர் பன்வாரிலால் புரோகித் காவிரி மருத்துவமனைக்கு வந்துள்ளார். ஆளுநர் நேற்றும் காவிரி மருத்துவமனைக்கு வந்தார் என்பது குறிப்பிடத்தக்கது. மத்திய அமைச்சர் பொன்.ராதாகிருஷ்ணனும் வெங்கையா நாயுடுவுடன் உடனுள்ளனர்.

இந்தநிலையில் காவிரி மருத்துவமனையில் கருணாநிதியை நேரில் பார்த்தார் வெங்கையா நாயுடு. சில நிமிடங்கள் கருணாநிதியை நேரில் பார்த்தார் வெங்கையா நாயுடு. குடும்பத்தினரை தவிர்த்து கருணாநிதி சிகிச்சை பெறுவதை நேரில் பார்த்த முதல் தலைவர் வெங்கையா நாயுடு ஆவார்.

English summary

Vice President Venkaiah Naidu coming to Chennai to meet Karunanidhi.