காதை கிழிக்கும் பேரிரைச்சல்.. கொட்டும் மழை.. வர்தா புயலின் ருத்ர தாண்டவ வீடியோ

சென்னையில் வர்தா புயல் ஏற்படுத்தியிருக்கும் தாக்கத்தை இந்த வீடியோவை பார்த்தால் நீங்கள் அறிந்து கொள்ள முடியும். பலத்த காற்றும், மழையும் மக்களை முடக்கி போட்டுள்ளது.

சென்னை: ஓ..வென்ற இரைச்சலுடன் பயங்கர காற்றுடன் கன மழை கொட்டி தீர்த்து வருகிறது. சென்னை குரோம்பேட்டை அருகேயுள்ள நமது வாசகர் ஒருவர் அனுப்பியுள்ள இந்த வீடியோவை பார்த்தால் வர்தா புயலின் உக்கிரம் தெரியும்.

காலை 11.30 மணியளவில் இந்த வீடியோ எடுக்கப்பட்டதாக தெரிகிறது. கடுமையான காற்றுடன், மழையும் பெய்வதை இந்த வீடியோவில் நீங்கள் பார்க்க முடியும். காற்றின் வேகமானது ஓ... என்ற பேரிரைச்சலாக வெளிப்படுவதை உங்களால் கேட்கவும் முடியும். இந்த இரைச்சல், தென்னை மரம் சாயும் அளவுக்கான பலம் கொண்ட காற்று, மழை என பல முனை தாக்குதலுக்கு உள்ளாகியுள்ளது சென்னை.

பொதுமக்கள் அனைவருமே வீட்டுக்குள்ளேயே பாதுகாப்பாக இருக்க மாநில அரசு அறிவுறுத்தியுள்ளது குறிப்பிடத்தக்கதாகும்.

English summary

A Video shows how Vardah cyclone affects Chennai with heavy wind and rain.