ஆஹா.. விஜய் ஒரு பாசமான தந்தையும் கூட பாஸ்.. இதைப் பாருங்க!

சென்னை: கனடாவின் டோரான்டோவில் விஜய் தனது மகளுடன் ஒரு ஹோட்டலில் உணவு அருந்தும் புகைப்படங்கள் வைரலாகி வருகிறது.

நடிகர் விஜய் தமிழ் சினிமாவில் முன்னணி நடிகராவார். இவர் சமூக அக்கறையும் கொண்டவர். ஜல்லிக்கட்டு உள்ளிட்ட போராட்டங்களில் கலந்து கொண்டவர். அரியலூர் மாணவி அனிதாவின் குடும்பத்தை சந்தித்து ஆறுதல் கூறினார். இப்படி விஜய்யை பற்றி எத்தனையோ விஷயங்களை கூறிக் கொண்டே செல்லலாம்.

அப்படிப்பட்ட விஜய் சமீபத்தில் மெர்சல் படம் மூலம் அவரது ரசிகர்கள் மட்டுமல்லாது நடுநிலையான மக்களின் மனதையும் கவர்ந்தார். இந்நிலையில் சர்கார் படவிழாவில் அவரது அரசியல் பேச்சு அனைவரின் கவனத்தையும் கவர்ந்தது.

விஜய் எந்தளவுக்கு தன் படங்கள் மூலம் ரசிகர்களை திருப்திப்படுத்துவாரோ அந்தளவுக்கு தன் குடும்பத்தினருடன் நேரம் செலவிட்டு அவர்களையும் திருப்திப்படுத்துவார். தற்போது சர்கார் படப்பிடிப்பு முடிந்து கனடாவுக்கு தன் குடும்பத்தினருடன் சென்றுள்ளார் விஜய்.

அங்கு டோரான்டோவில் உள்ள ஈடன் சென்டரில் உள்ள ஒரு உணவகத்தில் தனது மகள் திவ்யா ஷாஷாவுடன் உணவருந்தும் காட்சிகள் சமூகவலைதளங்களில் வைரலாகி வருகிறது. இதை யார் படம் பிடித்தார்கள் என்பது தெரியவில்லை.

எனினும் தனது ரசிகர்களுக்கு விஜய் எப்படி நல்ல தலைவராக இருக்கிறாரோ அப்படியே தனது மகளுடன் கொஞ்சி விளையாடி அவருக்கு பாசமான தந்தையாக உள்ளார் என்பதை நினைத்து ரசிகர்கள் மகிழ்ச்சியில் உள்ளனர்.

#Thalapathy #Vijay At #Canada #Toronto pic.twitter.com/8n8Z2v7cob

— Diamond Babu (@diamondbabu4) October 6, 2018

English summary

Actor Vijay with his daughter Divya Shasha spotted in Canada. This photo