சினிமாவிற்கு 28 சதவிகித ஜிஎஸ்டி கூடாது.. மத்திய அரசுக்கு விஜயகாந்த் எதிர்ப்பு!
சினிமாவிற்கு 28 சதவீத ஜிஎஸ்டி வரி கூடாது என தேமுதிக தலைவர் விஜயகாந்த் தெரிவித்துள்ளார்.
சென்னை: சினிமாவிற்கு 28 சதவீத ஜிஎஸ்டி வரி கூடாது என தேமுதிக தலைவர் விஜயகாந்த் தெரிவித்துள்ளார். பெரிய, சிறிய பட்ஜெட் படங்களுக்கு ஒரே வரி விதிப்பு என்பது சினிமாவை பாதிக்கும் என்றும் விஜயகாந்த் கூறியுள்ளார்.
நாடுமுழுவதும் ஜூலை ஒன்றாம் தேதி முதல் ஜிஎஸ்டி வரி விதிப்புமுறை அமலுக்கு வருகிறது. இந்நிலையில் தேமுதிக தலைவர் விஜயகாந்த் இதுகுறித்து அறிக்கை ஒன்றை வெளியிட்டுள்ளார்.
அதில் ஏழை, எளிய, நடுத்தர மக்களின் வாழ்வாதாரத்தை பாதிக்காத வகையில் ஜிஎஸ்டி வரி விதிப்பு இருக்க வேண்டும் என விஜயகாந்த் வலியுறுத்தியுள்ளார். குளுகுளு அறைக்குள்உட்கார்ந்து வெளியிடும் அறிவிப்பாக இல்லாமல் மக்களைபாதிக்காத வரிவிதிப்பு இருக்கவேண்டும் என தெரிவித்துள்ளார்.
ஜிஎஸ்டி வரி விதிப்பு தொடர்பாக மத்திய அரசு தெளிவான முடிவை எடுக்க வேண்டும் விஜயகாந்த் விஜயகாந்த் வலியுறுத்தியுள்ளார். உணவகங்களுக்கு 18% ஜிஎஸ்டி வரி விதிப்பு பொதுமக்களை அதிகம் பாதிக்கும் என்றும் விஜயகாந்த் கூறியுள்ளார்.
மேலும் திரைப்படங்களுக்கு 28 சதவீதம் ஜிஎஸ்டி வரி பாதிப்பை ஏற்படுத்தும் என்று தேமுதிக தலைவர் விஜயகாந்த் தெரிவித்துள்ளார். புதிய வரிச்சுமை பல தரப்பினரும் இன்னலுக்கு ஆவார்கள் என்றும் அதிக பட்ச வரி விதிப்பால் திரைப்படத் தொழிலை விட்டுவிடும் நிலை ஏற்படும் என்றும் அவர் கருத்து தெரிவித்துள்ளார்.
Click it and Unblock the Notifications
Sign in with Google