தாய்நாட்டிற்கு பெருமை தேடி தந்த சிந்துவுக்கு வாழ்த்துகள், பாராட்டுகள்.... விஜயகாந்த்

சென்னை: ஒலிம்பிக் போட்டிகளில் வெள்ளிப் பதக்கம் வென்ற சிந்துவுக்கு தேமுதிக தலைவர் விஜயகாந்த் வாழ்த்தும் பாராட்டும் தெரிவித்துள்ளார்.

தேமுதிக தலைவர் விஜயகாந்தின் மகன் விஜயபிரபாகரனின் "சென்னை ஸ்மாஷர்ஸ்" பேட்மிண்டன் அணியில் இடம்பெற்றிருந்தவர் பிவி சிந்து. டெல்லியில் இது தொடர்பான நிகழ்ச்சிகளில் விஜயகாந்த், அவரது மனைவி பிரேமலதா உள்ளிட்டோர் குடும்பத்துடன் கலந்து கொண்டனர்.

ஒலிம்பிக்கில் பிவி சிந்து பிரகாசித்த போது, "பிவி சிந்து எங்க சென்னை ஸ்மாஷர்ஸ் டீம்" என்று பெருமிதம் பொங்க கூறியிருந்தார் விஜயபிரபாகரன். தற்போது சிந்து வெள்ளிப் பதக்கம் வென்று சரித்திரம் படைத்துள்ளார்.

சிந்து பதக்கம் வென்ற விஜயகாந்த் உடனேயே தம்முடைய ஃபேஸ்புக் பக்கத்தில், My hearty wishes PV Sindhu, for winning Silver medal in Rio Olympics Badminton (women's singles) . We are proud of you. ரியோ ஒலிம்பிக் பாட்மின்டன் போட்டியில் வெள்ளிப்பதக்கம் வென்று நம் தாய்நாட்டிற்கு பெருமை தேடி தந்த செல்வி.PV சிந்து அவர்களுக்கு எனது வாழ்த்துக்களையும் பாராட்டுக்களையும் தெரிவித்துக்கொள்கிறேன் என்று பதிவிட்டார்.

அத்துடன் தாமும் மனைவி பிரேமலதா, மகன் விஜயபிரபாகரன் ஆகியோர் சிந்துவுடன் இருக்கும் புகைப்படங்களையும் வெளியிட்டு மகிழ்ச்சியைப் பகிர்ந்து கொண்டார். பின்னர் மற்றொரு பதிவில் சாக்ஷி, சிந்து இருவரும் பதக்கம் வென்றதற்கு வாழ்த்துகளைத் தெரிவித்திருந்தார்.

அதில், "மல்யுத்தப் போட்டியில் வெங்கலப்பதக்கம் வென்ற சாக்க்ஷி மாலிக், பாட்மின்டன் போட்டியில் வெள்ளிப்பதக்கம் வென்ற PV சிந்து ஆகிய இருவருக்கும் எனது மனமார்ந்த வாழ்த்துக்களை தெரிவித்துக்கொள்கிறேன்" என குறிப்பிட்டு மகிழ்ச்சியை பகிர்ந்து கொண்டார் விஜயகாந்த்.

English summary

DMDK leader Vijayakanth congrats PV Sindhu for Silver medal in Olympics.