ஜெயலலிதாவை விமர்சிக்க விஜயகாந்துக்கு அருகதை கிடையாது: சீமான்
கோவை: ஜெயலலிதாவை பற்றி விமர்சனம் செய்ய தேமுதிக தலைவர் விஜயகாந்துக்கு அருகதை இல்லை என்று நாம் தமிழர் கட்சி தலைவர் சீமான் தெரிவித்துள்ளார்.
கோவை மாவட்டத்தில் நாம் தமிழர் கட்சியில் புதிதாக சேர்ந்த தொண்டர்கள் அறிமுக கூட்டம் நடைபெற்றது. கட்சியின் தலைவர் சீமான் இந்த கூட்டத்தில் கலந்து கொண்டு உரை நிகழ்த்தினார்.
அதன் பிறகு அவர் செய்தியாளர்களிடம் கூறுகையில்,
அதிமுக பொதுச் செயலாளர் ஜெயலலிதாவின் வயது, அவர் வகித்த பதவியை கணக்கில் கொண்டு அவருக்கு ஜாமீன் வழங்கப்படும் என்று நினைக்கிறேன். ஜெயலலிதாவை பற்றி விமர்சனம் செய்ய விஜயகாந்துக்கு அருகதை இல்லை. ஜெயலலிதாவின் தயவால் வாக்குகள் பெற்று வெற்றி பெற்றவர் விஜயகாந்த். தனது கட்சி எம்.எல்.ஏ.க்களை பதவி விலக வைத்து விட்டு அதன் பிறகு அவர் ஜெயலலிதாவை விமர்சனம் செய்யட்டும்.
ஜெயலலிதாவின் வழக்கை தமிழகத்திற்கு மாற்ற வேண்டும் என்பது காலம் கடந்த முயற்சி என்றார்.