மீண்டும் தலைவரான அமித் ஷா... வணக்கம் வைத்த விஜயகாந்த்... "வாழ்த்து" சொல்லும் செய்தி என்ன?

Published: Monday, January 25, 2016, 13:30 [IST]

Subscribe to Oneindia Tamil

சென்னை: தேமுதிக வருமா என்று வழி மேல் விழி வைத்துக் காத்துள்ளன திமுகவும், பாஜகவும். மூன்றாவது அணியும் அவ்வப்போது வந்து விஜயகாந்த் நடமாட்டத்தைக் கண்காணித்து வருகிறது. இந்த நிலையில் பாஜகவின் தலைவராக மீண்டும் தேர்வாகியுள்ள அமித் ஷாவுக்கு வாழ்த்து தெரிவித்துள்ளார் விஜயகாந்த்.

அத்தோடு நில்லாமல் அமித் ஷாவை பாராட்டியும் அறிக்கையில் புகழாரம் சூட்டியுள்ளார். இதை வைத்துப் பார்க்கும்போது பாஜகவிடமிருந்து சிறப்பான "பேக்கேஜை" விஜயகாந்த் எதிர்பார்ப்பது போலத் தெரிகிறது.

இது தேர்தல் காலம். அரசியல்வாதிகள் எதைப் பேசினாலும் அது அரசியலாகவே பார்க்கப்படும் என்பதால், விஜயகாந்த்தின் வாழ்த்துச் செய்திக்குள் புதைந்திருப்பது என்ன என்ற ஆய்வில் பலரும் இறங்கியுள்ளனர்.

அமித் ஷாவின் கனவுகள் நனவாகட்டும்

விஜயகாந்த் வெளியிட்டுள்ள வாழ்த்துச் செய்தியில், அவரது காலத்தில் பாஜகவின் கனவுகள் நனவாகட்டும் என்று வாழ்த்தியுள்ளார் விஜயகாந்த்.

பாஜக கூட்டணியல் தேமுதிக

கடந்த சட்டசபைத் தேர்தலை அதிமுகவுடன் சேர்ந்து சந்தித்து பலம் பெற்ற தேமுதிக, அடுத்து வந்த நாடாளுமன்றத் தேர்தலில் பாஜகவுடன் கூட்டணி அமைத்துப் போட்டியிட்டது.

மீண்டும் ஒரு கூட்டணி

தற்போது மீண்டும் ஒரு கூட்டணிக்காக தேமுதிக காத்திருக்கிறது. ஆனால் யாருடன் சேரப் போகிறது என்பதுதான் தெரியவில்லை. பேரங்கள் படு ஜரூராக நடந்த வருவதாக கூறுகிறார்கள். யாரிடம் பேரம் படிகிறதோ அவர்களுடன்தான் விஜயகாந்த் கூட்டணி வைப்பார் என்று தெரிகிறது.

திமுக பக்கம் சாய்வாரா?

திமுக தரப்பில் பேரம் படு வேகமாக இருப்பதாக சொல்லப்படுகிறது. அவர்கள் பக்கம் நடந்து வரும் பேச்சில் சற்று முன்னேற்றம் தெரிவதாகவும் சொல்கிறார்கள்.

ஆனால் அமித் ஷாவைப் பாராட்டுகிறாரே!

ஆனால் அமித் ஷாவை படு புகழாரமாக விஜயகாந்த் பாராட்டிப் பேசியிருப்பது பலரையும் கவனிக்க வைத்துள்ளது. பாஜகவிடம் நல்ல "டீலை" விஜயகாந்த் எதிர்பார்ப்பதையே இது காட்டுவதாக அரசியல் நோக்கர்கள் கருதுகிறார்கள்.

பார்க்கலாம்.. யாருடைய "டீலை" விஜயகாந்த் தேர்வு செய்வார் என்பதை!

Published On January 25, 2016