அண்ணா, கருணாநிதி பாதையில் திமுகவை வழிநடத்துங்கள்.. ஸ்டாலினுக்கு விஜயகாந்த் வாழ்த்து
Recommended Video
சென்னை: அண்ணா, கருணாநிதி பாதையில் திமுகவை வழிநடத்த மு.க.ஸ்டாலினுக்கு, தேமுதிக தலைவர் விஜயகாந்த் வாழ்த்து தெரிவித்துள்ளார்.
இதுபற்றி விஜயகாந்த் ட்விட்டரில் கூறுகையில், "அறிஞர் அண்ணா மற்றும் கலைஞர் அவர்கள் பாதையில் ஸ்டாலின் அவர்களும் பயணித்து திராவிட முன்னேற்ற கழகத்தை சீரும், சிறப்புமாக வழிநடத்த வேண்டும். தாங்கள் இயக்கத்திற்கு பெருமையையும், புகழையும் சேர்த்திட எனது மனமார்ந்த வாழ்த்துக்களை தெரிவித்துக்கொள்கிறேன்". இவ்வாறு விஜயகாந்த் கூறியுள்ளார்.
காங்கிரஸ் தலைவர் ராகுல் காந்தி, திரிணாமுல் காங்கிரஸ் தலைவரும், மேற்கு வங்க முதல்வருமான மமதா பானர்ஜி, மதிமுக பொதுச் செயலாளர் வைகோ உள்ளிட்ட பல தலைவர்களும் திமுக தலைவராக மு.க.ஸ்டாலின் பொறுப்பேற்றதற்கு வாழ்த்துக்களை தெரிவித்துக்கொண்டுள்ளனர்.
திரு.அறிஞர் அண்ணா மற்றும் திரு.கலைஞர் அவர்கள் பாதையில் திரு.ஸ்டாலின் அவர்களும் பயணித்து திராவிட முன்னேற்ற கழகத்தை சீரும், சிறப்புமாக வழிநடத்த வேண்டும், தாங்கள் இயக்கத்திற்கு பெருமையையும், புகழையும் சேர்த்திட எனது மனமார்ந்த வாழ்த்துக்களை தெரிவித்துக்கொள்கிறேன்.@mkstalin pic.twitter.com/XPKWowK0lW
— Vijayakant (@iVijayakant) August 29, 2018