அமீத் ஷாவுக்கு மருத்துவமனையிலிருந்து வாழ்த்து தெரிவித்த விஜயகாந்த்!
சென்னை: பாஜக தலைவராகத் தேர்ந்தெடுக்கப்பட்டுள்ள அமீத் ஷாவுக்கு தேமுதிக தலைவர் விஜயகாந்த் வாழ்த்து தெரிவித்துள்ளார்.
இதுதொடர்பான அறிக்கையை தேமுதிக தலைமைக் கழகம் வெளியிட்டுள்ளது. நெஞ்சு எரிச்சல் காரணமாக மருத்துவமனையில் விஜயகாந்த் அனுமதிக்கப்பட்டுள்ள நிலையில் இந்த அறிக்கை வந்திருப்பதால் அவர் மருத்துவமனையிலிருந்து இதை அனுப்பியிருக்கலாம் என்று தெரிகிறது.
ஆங்கிலத்தில் உள்ள அந்த அறிக்கையில் விஜயகாந்த் கூறியிருப்பதாவது...
மதிப்புக்குரிய ஐயா...
பாஜக தலைவராக நீங்கள் தேர்ந்தெடுக்கப்பட்டது குறித்து அறிந்து மகிழ்ச்சியுற்றேன். இந்த வரலாற்றுச் சிறப்பு வாய்ந்த தருணத்தில் உங்களுக்கு எனது இதயப்பூர்வமான வாழ்த்துகளைத் தெரிவித்துக் கொள்கிறேன்.
உங்களது சொந்த மாநிலத்திலும், அண்டை மாநிலங்களிலும் உங்களது கட்சியை வளர்க்க நீங்கள் அரும் பணியாற்றியுள்ளீர்கள் என்பதை நான் பலமுறை கேள்விப்பட்டுள்ளேன்.
தற்போது உங்களது மதிப்புமிக்க நேரத்தையும், உழைப்பையும் உங்களது கட்சிக்கு முழுமையாக ஆற்ற, கட்சித் தலைவர் என்ற பதவி மூலம் கடவுள் உங்களுக்கு வாய்ப்பளித்துள்ளார்.
தெளிவான பார்வை, ஓய்வறியாத கடும் உழைப்பு உள்ளிட்டவற்றின் மூலம் உங்களது தலைமையில், பாஜக வரலாற்றில் புதிய சகாப்தம் படைக்கப்படும என்பதில் எனக்கு நிறைய நம்பிக்கை உள்ளது.
நன்றி
உங்களது நம்பிக்கைக்குரிய
விஜயகாந்த்
நிறுவனர் - தலைவர்.
தேமுதிக
Click it and Unblock the Notifications
Sign in with Google