உளுந்தூர்பேட்டையில் விஜயகாந்த் தோல்வி..விருகம்பாக்கத்தில் தமிழிசைக்கு 3 வது இடம் - தந்தி டிவி

சென்னை: தேமுதிக - ம.ந.கூட்டணியின் முதல்வர் வேட்பாளராக களமிறக்கப்பட்டுள்ள விஜயகாந்த் உளுந்தூர்பேட்டையில் தோல்வி அடைவார் எனவும், தமிழக பாஜக தலைவர் தமிழிசை சவுந்திரராஜன் போட்டியிடும் விருகம்பாக்கம் தொகுதியில் அவருக்கு 3 வது இடமே கிடைக்கும் எனவும் தந்தி டிவி கருத்துக்கணிப்பு கூறுகின்றது.

தந்தி டிவி நடத்திய கருத்துக்கணிப்பு முடிவுகளின் படி விழுப்புரம் மாவட்டம் உளுந்தூர்பேட்டை தொகுதியில் திமுகவுக்கு 27 - 33 சதவீத ஆதரவு காணப்படுவதாக கருத்துக் கணிப்பு கூறுகிறது. அதிமுகவுக்கு 25 - 31 சதவீத ஆதரவு கிடைத்துள்ளது. அதேசமயம் தேமுதிகவுக்கு 24 - 30 சதவீத ஆதரவே கிடைத்துள்ளது.

இங்கு தான் தேமுதிக தலைவர் விஜயகாந்த் போட்டியிடுகிறார். திமுக, அதிமுக வேட்பாளர்களைவிட குறைந்த அளவிலான ஆதரவையே விஜயகாந்த் பெறுகிறார். இதனால் அவர் தோல்வி அடையும் நிலை உள்ளதாக தந்தி டிவி கருத்துக்கணிப்பு தெரிவித்துள்ளது.

உளுந்தூர்பேட்டை தொகுதி:

அதிமுக 25 -31 %

திமுக 27 - 33 %

தேமுதிக 24 - 30 %

பாமக 11 - 17 %

பிற கட்சிகள் 1 %

அதேபோல் சென்னை விருகம்பாக்கம் தொகுதியில் போட்டியிடும் பாஜக தமிழகத் தலைவர் தமிழிசை சவுந்திரராஜனுக்கு குறைவான ஆதரவே உள்ளது. இந்த தொகுதியில் திமுகவுக்கு 34 - 40 சதவீத ஆதரவு கிடைத்துள்ளது. அதிமுகவுக்கு 33 - 39 சதவீத ஆதரவு காணப்படுகிறது. பாஜக 11 - 17 சதவீத ஆதரவுடன் மூன்றாவது இடத்துக்கு தள்ளப்பட்டுள்ளது.

விருகம்பாக்கம் தொகுதி:

அதிமுக 33 -39 %

திமுக 34 - 40 %

பாஜக 11 - 17 %

தேமுதிக 7 %

பிற கட்சிகள் 5 %

நோட்டா 1 %

English summary

DMDK chief vijayakanth and bjp state leader tamilisai lossing his constituency,Thanthi TV survey