உளுந்தூர்பேட்டையில் விஜயகாந்த்துக்கு டெபாசிட் கூட கிடைக்காது.. ராமதாஸ் கொக்கரிப்பு!

சென்னை: உளுந்தூர்பேட்டை தொகுதியில் விஜயகாந்த் டெபாசிட் இழப்பார் என பாமக நிறுவனர் ராமதாஸ் உறுதி தெரிவித்துள்ளார்.

உளுந்தூர்பேட்டை தொகுதியில் பாமக வேட்பாளராக ராமமூர்த்தி போட்டியிடுவார் என்று அறிவிக்கப்பட்டிருந்தது. இந்த நிலையில் தேமுதிக தலைவர் விஜயகாந்த் அங்கு போட்டியிடுவார் என்று அறிவிப்பு வெளியானது.

இதையடுத்து பாமக வேட்பாளர் ராமமூர்த்திக்கு பதிலாக பாமகவின் செய்தித் தொடர்பாளரும், வழக்கறிஞருமான பாலு உளுந்தூர்பேட்டை தொகுதியில் போட்டியிடுவார் என்று பாமக அறிவித்துள்ளது.

இதுகுறித்து பாமக நிறுவனர் ராமதாஸ் கூறியதாவது: உளுந்தூர்பேட்டை தொகுதியில் விஜயகாந்த் டெபாசிட் கூட வாங்க மாட்டார். உளுந்தூர்பேட்டை தொகுதியில் பாமகவுக்கு பலம் சேர்க்கவே வேட்பாளர் மாற்றம் செய்யப்பட்டுள்ளது என கூறியுள்ளார்.

English summary

Vijayakanth will not get deposit in the assembly election, says PMK founder Ramadoss.