நாட்டின் மூத்த அரசியல்வாதி என்ற பெருமைக்குரியவர் கருணாநிதி மட்டுமே.. விஜயகாந்த் புகழாரம் !
சென்னை: நாட்டின் மூத்த அரசியல்வாதி என்ற பெருமைக்குரியவர் திமுக தலைவர் கருணாநிதி என்று தேமுதிக தலைவர் விஜயகாந்த் புகழாரம் சூட்டியுள்ளார்.
திமுக .தலைவர் கருணாநிதி எம்எல்ஏவாக சட்டசபையில் அடி எடுத்து வைத்து 60 ஆண்டுகள் நிறைவடைகிறது. அதோடு நாளை மாறுநாள் கருணாநிதி தனது 94வது பிறந்த நாளையும் கொண்டாடுகிறார். கருணாநிதியின் பிறந்தநாளையும் அவர் எம்எல்ஏவான 60 ஆண்டு விழாவான வைர விழாவையும் ஒன்றாக கொண்டாட அக்கட்சியினர் முடிவு செய்துள்ளனர். இதற்கான வைர விழா நாளை மறுநாள் ராயப்பேட்டை ஒய்எம்சிஏ திடலில் கொண்டாடப்படுகிறது.
இந்நிலையில் திமுக தலைவர் கருணாநிதியின் பிறந்தநாளை முன்னிட்டு தேமுதிக தலைவர் விஜயகாந்த் வாழ்த்து தெரிவித்துள்ளார். இந்தியாவின் மூத்த அரசியல்வாதி என்ற பெருமைக்குரியவர் கருணாநிதி மட்டுமே என்று கூறியுள்ளார். நீண்ட ஆயுளுடன், ஆரோக்கியத்துடன் கருணாநிதி வாழ வாழ்த்துவதாகவும் குறிப்பிட்டுள்ளார்.
Click it and Unblock the Notifications
Sign in with Google