பிரபாகரன் பிறந்த நாள் வாழ்த்திலும் புதுப் படத்துக்கு கேவலமாக விளம்பரம் தேடிய 'கேப்டன்'- புது சர்ச்சை
சென்னை: தமிழீழ விடுதலைப் புலிகள் இயக்கத் தலைவர் பிரபாகரன் பிறந்த நாள் தொடர்பான ஃபேஸ்புக் பதிவை தன்னுடைய புதிய படத்துக்கு விஜயகாந்த் விளம்பரம் தேடும் வகையிலும் வெளியிட்டிருப்பது புது சர்ச்சையை கிளப்பியுள்ளது.
பிரபாகரனின் 61வது பிறந்த நாளை ம.தி.மு.க. பொதுச்செயலர் வைகோ, விடுதலை சிறுத்தைகள் கட்சித் தலைவர் திருமாவளவன், தமிழக வாழ்வுரிமை கட்சித் தலைவர் பண்ருட்டி தி.வேல்முருகன் உள்ளிட்டோர் கேக் வெட்டி, இனிப்புகள் வழங்கி கொண்டாடினர்.
அதேபோல் தமிழ் அமைப்புகள் சார்பாக சென்னை ராயப்பேட்டையில் நள்ளிரவில் பட்டாசு வெடித்து மாட்டுக் கறி விருந்து பரிமாறி கொண்டாடினர்.
இந்நிலையில் தமிழக சட்டசபை எதிர்க்கட்சித் தலைவரும் தே.மு.தி.க. தலைவருமான விஜயகாந்த், தம்முடைய அதிகாரப்பூர்வ ஃபேஸ்புக் பக்கத்தில் பிரபாகரன் படத்தைப் போட்டு,
உனது பிறந்தநாள்!
வீரம் பிறந்தநாள்!
#தமிழன்என்றுசொல் ல பெருமை படு!
என பதிவிட்டுள்ளார்
இதில் #தமிழன்என்றுசொல் என்பது விஜயகாந்தும் அவரது மகனும் நடிக்கும் புதிய படத்தின் பெயர்.
உலகம் போற்றும் மாவீரன் பிரபாகரனுக்கு பிறந்த நாள் தெரிவிப்பதிலும் கூட "#தமிழன்என்றுசொல்" என பதிவிட்டு இப்படியா தன்னுடைய படத்துக்கு மலிவாக கேவலமாக விளம்பரம் தேடுவது என விஜயகாந்த் மீது தமிழ் உணர்வாளர்கள் பெரும் கோபத்தில் இருக்கின்றனர்.
இதற்கு வாழ்த்தே சொல்லாமல் இருந்திருக்கலாமே..
Click it and Unblock the Notifications
Sign in with Google