மீண்டும் குளறுபடி.. திருப்பூர் அருகே விநாயகர் படம் போட்ட ஸ்மார்ட் கார்டால் அதிர்ச்சி

திருப்பூர் அருகே வழங்கப்பட்ட ஸ்மார்ட் கார்டில் விநாயகர் படம் இருந்த சம்பவம் அதிர்ச்சியை ஏற்படுத்தியுள்ளது.

திருப்பூர்: ஸ்மார்ட் கார்டில் விநாயகர் படம் இருந்த சம்பவம் அதிர்ச்சியை ஏற்படுத்தியுள்ளது.

ரேஷன் கார்டுகளை ஸ்மார்ட் கார்டுகளாக தமிழக அரசு பயனாளிகளுக்கு மாற்றி வழங்கி வருகிறது. இதில் பல்வேறு குளறுபடிகள் அரங்கேறி வருகின்றன.

முதலில் ஓமலூரை சேர்ந்த சரோஜா என்ற 42 வயது பெண்ணுக்கு வழங்கப்பட்ட ஸ்மார்ட் கார்டில், நடிகை காஜல் அகர்வாலின் புகைப்படம் இருந்தது. அந்த புகைப்படம் சமீபத்தில் சமூக வலைத்தளங்களில் வைரலானது.

இதேபோல் பாப்பிரெட்டிபட்டி அருகே உள்ள போசிநாயக்கன் அள்ளி என்கிற கிராமத்தில் வசிக்கும் சித்தன் என்பவரின் மனைவிக்கு சமீபத்தில் ஸ்மார்ட் கார்டு வழங்கப்பட்டது. அதில், மகேஷின் புகைப்படத்திற்கு பதில் செருப்பு அணிந்த ஒற்றைக்கால் புகைப்படம் இடம் பெற்றுள்ளது.

மேலும், அவரின் பெயர் இருக்கும் இடத்தில் மகேஷ் சித்தன் என்பதற்கு பதில் மாமனார் சின்னசாமியின் பெயர் இடம் பெற்றுள்ளது. இதுகண்டு மகேஷின் குடும்பத்தினர் அதிர்ச்சியடைந்துள்ளனர்.

இந்நிலையில் திருப்பூரை அடுத்த வடுகபாளையத்தை சேர்ந்த நல்லக்கண்ணு என்பவருக்கு வழங்கப்பட்ட ரேசன் ஸ்மார்ட் கார்டில் விநாயகர் படம் பதியப்பட்ட ஸ்மார்ட் கார்டு வழங்கப்பட்டுள்ளது. ஸ்மார்ட் கார்டில் தொடரும் குளறுபடிகளால் மக்கள் அதிர்ச்சியடைந்துள்ளனர்.

English summary

Vinayagar photo placed in the smart card near in Thiruppur. People are shocked by the muddle that continues on the smart card.