அடடே, தேமுதிக, திமுக பற்றி நடிகை விந்தியா கூறியது கூட நடந்துவிட்டதே!
சென்னை: தர்மம் தனியாக வந்து வெற்றி பெறும் என்று அதிமுக நட்சத்திரப் பேச்சாளரான நடிகை விந்தியா கூறியது நடந்துவிட்டது.
தமிழக சட்டசபை தேர்தலில் பதிவான வாக்குகள் இன்று எண்ணப்பட்டு வருகிறது. அதிமுக மீண்டும் ஆட்சிக்கு வருவது உறுதியாகிவிட்டது. தேமுதிக, தமிழ் மாநில காங்கிரஸ், மக்கள் நலக் கூட்டணி படுதோல்வி அடைந்துள்ளது.
பிரச்சாரத்தின்போது இந்த தேர்தல் தர்மத்திற்கும், அதர்மத்திற்கும் இடையேயான போர் என தேமுதிக தலைவர் விஜயகாந்தும், அவரது மனைவி பிரேமலதாவும் தெரிவித்து வந்தனர். விஜயகாந்த் ஒரு கருப்பு எம்.ஜி.ஆர். என்று பிரேமலதா கூறி வந்தார்.
இதை பார்த்த அதிமுக நட்சத்திர பேச்சாளரும், நடிகையுமான விந்தியா தர்மம் தனியாக வந்து வெற்றி பெறும், அதர்மம் தான் கூட்டாக வந்து தோல்வி அடையும் என்றார்.
மேலும் திமுக பக்கம், பக்கமாக தேர்தல் அறிக்கை வெளியிட்டது பற்றி அவர் கூறுகையில், பரீட்சையில் கேள்விக்குறிய விடையை சுருக்கமாக எழுதி தேர்ச்சி பெறுவதையும், பக்கம் பக்கமாக கதை எழுதி தோல்வி அடைவதையும் பார்த்துள்ளோம் என்றார்.
தேமுதிக, திமுக பற்றி விந்தியா கூறியது கூட நடந்துவிட்டதே.
Click it and Unblock the Notifications
Sign in with Google