தேர்தல் விதிமீறல் புகாரை தெரிவிக்க 188004257012, 8004257024

சென்னை: தமிழகத்தில் தேர்தல் விதிமீறல் குறித்து புகார் செய்ய இலவச தொலைபேசி எண்களை தேர்தல் ஆணையம் அறிவித்துள்ளது.

நாடாளுமன்ற தேர்தல் ஏப்ரல் மாதம் 7ம் தேதி முதல் மே மாதம் 12ம் தேதி வரை 9 கட்டமாக நாடு முழுவதும் நடத்தப்படுகிறது. தமிழகம் மற்றும் புதுவையில் வரும் ஏப்ரல் மாதம் 24ம் தேதி ஒரே கட்டமாக வாக்குப்பதிவு நடைபெறுகிறது.

தேர்தல் ஆணையம் தேர்தல் தேதிகளை நேற்று அறிவித்த உடனேயே தேர்தல் விதிமுறைகள் அமலுக்கு வந்துவிட்டது. இதனையடுத்து தேர்தல் விதிமீறல் புகார்களை தெரிவிக்க இலவச தொலைபேசி எண்களை தேர்தல் ஆணையம் அறிவித்துள்ளது.

இதன்படி 188004257012 என்ற எண்ணுக்கு போன் செய்து தங்களது புகார்களை பொதுமக்கள் தைரியமாக பதிவு செய்யலாம் என்று சென்னை மாவட்ட நிர்வாகமும், 8004257024 என்ற எண்ணில் புகார் கொடுக்கலாம் என்று கோவை மாவட்ட நிர்வாகமும் தெரிவித்துள்ளது.

English summary

Election commission is ready to hear your complaints about the election code of conduct. Those who want to complain can dial 188004257012, 8004257024.